"ამათ რა უხარიათ?... ჯო ვილსონი ერთ-ერთი პირველი იყო ვინც, ივანიშვილის დასანქცირება მოითხოვა, მასზე ერთგული მიმდევარი ტრამპს ძალიან ცოტა ჰყავს..." - თინა ხიდაშელი
აშშ-ს საპრეზიდენტო არჩევნებში დონალდ ტრამპის გამარჯვებამ ხელისუფლების მომხრეებს სიხარული მოუტანა, მოწინააღმდეგეებს კი ეს აშკარად არ ესიამოვნათ. ამ თემაზე სოციალურ ქსელში წერს პოსტს თავდაცვის ყოფილი მინისტრი თინა ხიდაშელი:
"ღმერთო ჩემო, ამათ რა უხარიათ?
ფაქტები:
1. კონგრესის წარმომადგენელთა პალატაში საქართველოს შესახებ აქტები ტრამპის მხარდამჭერი კონგრესმენების ინიციირებულია.
2. სენატში ორპარტიულია.
3. ტრამპის პირველი პრეზიდენტობის დროს სახელმწიფო მდივანი იყო პირველი ამერიკელი მაღალი თანამდებობის პირი რომელმაც საჯაროდ, პრესკონფერენციაზე მის გვერდით მდგომ ქართველ პრემიერს თითი უქნია და ჩინეთს და რუსეთს ნუ გადააყლაპვინებთ საქართველოსო. ანაკლიას ნუ აჩუქებთ ჩინელებს და რუსებსო, - მოგვიწოდა!
4. ჩინეთთან სტრატეგიული თანამშრომლობა, თან ამერიკის ჯინაზე და ხარჯზე როგორც ესენი იქცევიან ტრამპის ადმინისტრაციისთვის სრულიად გაუვალი წითელი ხაზია.
5. ტრამპის პირველი პრეზიდენტობის დროს მივიღეთ მრავალი წლის ნანატრი ჯაველინები და ყველაზე დიდი სამხედრო დახმარება.
6. კონგრესმენი ჯო ვილსონი ერთ-ერთი პირველი იყო ვინც, ივანიშვილის დასანქცირება მოითხოვა და მასზე ერთგული მიმდევარი პრეზიდენტ ტრამპს ძალიან ცოტა ჰყავს.
ჰოდა, რა ვიცი, კიდევ ვკითხულობ, რა უხარიათ?"
იხილეთ ასევე: