მიხეილ სააკაშვილი აქვეყნებს ტრამპის საქართველოში ვიზიტის ამსახველ ვიდეოს, რა დროსაც ის ბრწყინვალების ორდენით დააჯილდოვა

საქართველოს ექსპრეზიდენტი, ამჟამად პატიმრობაში მყოფი მიხეილ სააკაშვილი აქვეყნებს ვიდეოს, რომელიც 2012 წელს დონალდ ტრამპის საქართველოში ვიზიტს ასახავს. ვიდეოში სააკაშვილი ტრამპის შესახებ საუბრობს, შემდეგ კი მას ბრწყინვალების ორდენით აჯილდოებს.

• "დონალდ ტრამპის ჩამოსვლა უფრო მნიშვნელოვანია, ვიდრე სავალუტო ფონდის, მსოფლიო ბანკის, ანალიტიკური ცენტრის ან პოლიტოლოგის გამოკვლევა, 80-მილიონიანი თურქეთი გარდა, კონტინენტურ ევროპაში საქართველო ერთადერთია, სადაც ტრამპი თავის პარტნიორებთან ერთად ავითარებს თავის კომერციულ, საცხოვრებელ და სასტუმრო ცენტრს.

ჩვენ გვაქვს საქართველოს უმაღლესი ჯილდო, ბრწყინვალების ორდენი, რასაც იშვიათად ვაძლევთ ვინმეს, მითუმეტეს, უცხოელებს. ვფიქრობ დონალდ ტრამპი ეს არის მსოფლიოს მასშტაბით წარმატების და ბრწყინვალების მართლაც განსაკუთრებული ნიმუში და მისთვის ამ ორდენის გადაცემა ჩემთვის არის ძალიან დიდი პატივი და სიამოვნება, ისევე როგორც დიდი სიამოვნებაა, მას მივესალმო ჩვენთან, საქართველოში", - თქვა მიხეილ სააკაშვილმა.

ნახეთ ასევე:

სალომე ზურაბიშვილი დონალდ ტრამპს აშშ-ის საპრეზიდენტო არჩევნებში გამარჯვებას ულოცავს