პროტესტი სერბეთში, სადაც ახალგარემონტებულ სადგურში ბეტონის ჭერის ჩამონგრევას 14 ადამიანი ემსხვერპლა - დემონსტრანტებმა მერიის შენობას ფეკალიები ესროლეს (ვიდეო)
1-ელ ნოემბერს სერბეთის ქალაქ ნოვი-სადში, მატარებლის განახლებული სადგურში ბეტონის ჭერი ჩამოინგრა. ტრაგედიას 14 ადამიანი ემსხვერპლა. სამდღიანი გლოვის შემდეგ ქვეყნის სიდიდით მეორე ქალაქის მკვიდრი მოსახლეობა ქუჩებში გამოვიდა და პასუხისმგებელი პირების დასჯა მოითხოვა.
პროტესტი 14 დაღუპულის ხსოვნისადმი მიძღვნილი წუთიერი დუმილით დაიწყო, რის შემდეგაც აქციას ქალაქის ტაქსის მძღოლები შეუერთდნენ და უწყვეტი სიგნალებით მერიის შენობისკენ დაიძრნენ.
აქციის მონაწილეებმა ქუჩებში ჩირაღდნები აანთეს და ცეცხლსასროლი იარაღიდან სროლა დაიწყეს. პოლიციამ მათ წინააღმდეგ ცრემლსადენი გაზი გამოიყენა.
- ქალაქის ადმინისტრაციის შენობასთან მისულებმა ჩაამსხვრიეს მინები, დააზიანეს სათვალთვალო კამერები და შემდეგ მერიის შენობას ფეკალიებით სავსე ავზი შეასხეს. სამთავრობო შენობებს წითელი საღებავები შეასხეს და თანამდებობის პირები გულგრილობაში დაადანაშაულეს, რომლებსაც “ხელები სისხლში აქვთ გასვრილი.“
აღნიშნულ სერბეთის პრეზიდენტი ალექსანდრ ვუჩიჩი გამოეხმაურა და პირობა დადო, რომ სადგურის განახლებაზე მომუშავე პასუხისმგებელი პირები აუცილებლად დაისჯებიან.
პოლიციამ აქციის რამდენიმე მონაწილე დააკავა.
“აქ გაბრაზებამ მომიყვანა იმის გამო, რომ 21-ე საუკუნეში მსგავსი რამ მოხდა", - განუცხადა აქციის მონაწილე 19 წლის სტუდენტმა დანიელ სპასიჩმა BBC -ის.