აშშ-ში ამომრჩეველთა ხმებს ითვლიან - როგორია ამ დროისთვის მონაცემები და როგორ ნაწილდება საარჩევნო კოლეგიის ხმები საპრეზიდენტო კანდიდატებზე

ამ დროის მონაცემებით, აშშ-ის პრეზიდენტობის კანდიდატი “რესპუბლიკური პარტიიდან“ დონალდ ტრამპი ე.წ. მერყევი შტატების უმეტესობაში ლიდერობს. ინფორმაციას BBC-ი ავრცელებს.

• გამოცემის ცნობით, ტრამპი ლიდერობს ჯორჯიაში, ჩრდილოეთ კაროლინასა და პენსილვანიაში, სადაც ხმების უმრავლესობა დათვლილია.

არიზონასა და ვისკონსინში, სადაც ხმების ნახევარზე მეტი დათვლილია, ამ დროისთვის არსებული მონაცემებით, ტრამპი უმნიშვნელოდ უსწრებს მეტოქეს, “დემოკრატ“ კამალა ჰარისს.

ამასთან, კამალა ჰარისი ლიდერობს მიჩიგანში, თუმცა იქ, ამ დროისთვის, ხმების მხოლოდ 32%-ია დათვლილი.

ამასთან, BBC-ი წერს, რომ ყველაფერი შეიძლება სწრაფად შეიცვალოს, რადგან ხმების დათვლის პროცესი გრძელდება.

• ამ დროისთვის არსებული მონაცემებით, „რესპუბლიკელ“ კანდიდატს, დონალდ ტრამპს საარჩევნო კოლეგიის 230 ხმა აქვს, "დემოკრატ“ კამალა ჰარისს - 187. აღსანიშნავია, რომ საპრეზიდენტო არჩევნებში გამარჯვებისთვის კანდიდატმა ამომრჩეველთა კოლეგიის წევრთა 538 ხმიდან სულ მცირე 270 ხმა უნდა მიიღოს.

ამასთან, CNN-ის პროგნოზით, დონალდ ტრამპი არჩევნებს იგებს არკანზასის, სამხრეთ კაროლინას, ფლორიდას, ოკლაჰომას, მისურის, ტენესის, ალაბამას, უაიომინგის, სამხრეთ დაკოტას, ჩრდილოეთ დაკოტას, ტეხასის, ლუიზიანას, მონტანას, იუტას, მისისიპის, აიდაჰოსა და კანზასის შტატებში. კამალა ჰარისი კი - კოლუმბიის ოლქში, მერილენდში, მასაჩუსეტსში, დელავერში, ილინოისში, როდ-აილენდში, ნიუ-იორკში, კოლორადოში, კალიფორნიაში, ვირჯინიაში, ჰავაიში და ვაშინგტონის შტატში.

• განახლება 11:10

ამ დროისთვის დონალდ ტრამპს საარჩევნო კოლეგიის 265 ხმა აქვს, ხოლო კამალა ჰარისს 194.

CNN-ის ცნობით, წინასწარი შედეგების მიხედვით, ჯორჯიის შტატში დონალდ ტრამპმა გაიმარჯვა. აშშ-ში საარჩევნო უბნები უკვე დაიხურა. საპრეზიდენტო არჩევნებში გამარჯვებისთვის თითოეულ კანდიდატს საარჩევნო კოლეგიის 270 ხმა სჭირდება.

ამასთან, Associated Press-ის ინფორმაციით, აშშ-ის სენატში უმრავლესობა „რესპუბლიკელებმა“ მოიპოვეს, ხოლო წარმომადგენელთა პალატის კონტროლისთვის ბრძოლა გრძელდება.

• განახლება 11:28

Fox News: აშშ-ის 47-ე პრეზიდენტი დონალდ ტრამპი გახდა. წაიკითხეთ სრულად

• განახლება 11:46

11:38 / 06-11-2024 დონალდ ტრამპი ამ წუთებში მხარდამჭერებს მიმართავს. ის სცენაზე ცოლთან, მელანია ტრამპთან და ოჯახის სრულ შემადგენლობასთან ერთად ავიდა. ასევე სცენაზე ტრამპთან ერთად არის ვიცე პრეზიდენტობის კანდიდატი ჯეი დი ვენსი მეუღლესთან ერთად. გააგრძელეთ კითხვა

იხილეთ ასევე:

• საგანგებო მზადება და უსაფრთხოების გამკაცრებული ზომები - მოსალოდნელი არეულობის გამო თეთრი სახლს მაღალი ღობე შემოავლეს