ფოტო და ვიდეო კადრები რუსთაველის გამზირიდან, სადაც საპროტესტო აქცია მიმდინარეობს
რუსთაველის გამზირზე, სადაც საპროტესტო აქცია მიმდინარეობს, საავტომობილო მოძრაობა შეზღუდულია.
პარლამენტთან შეკრებილებს ცოტა ხნის წინ, საკუთარ მხარდამჭერებთან ერთად, სამი პოლიტიკური გაერთიანების: "ერთიანობა-ნაციონალური მოძრაობის“, "კოალიცია ცვლილებისთვის“ და "ძლიერი საქართველოს“ ლიდერები შეუერთდნენ, რომლებმაც სადგურის მოედნიდან რუსთაველის გამზირამდე მსვლელობა მოაწყვეს.
ადგილზე მობილიზებულია პოლიცია და სასწრაფო დახმარების რამდენიმე ეკიპაჟი.
საკანონმდებლო ორგანოსთან შეკრებილებს ოპოზიციური პარტიის ლიდერები სიტყვით მიმართავენ. დაგეგმილია ოპოზიციური პარტიების სამოქმედო გეგმის გამოქვეყნება.
ფოტოები: გიორგი ჟამერაშვილი