მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სოხუმის სახელმწიფო დრამატული თეატრი, თეატრის ლიდერთა საერთაშორისო ასოციაციის (IATL) პარტნიორი გახდა
14:01 / 04-11-2024
თანამშრომლობის მემორანდუმი 3 ნოემბერს, 14:00 საათზე, სოხუმის თეატრში გაფორმდა. სოხუმის თეატრისათვის ამ მნიშვნელოვან დღეს, IATL-ის პრეზიდენტი, საერთაშორისო კულტურული ურთიერთობების სპეციალისტი, მსოფლიოში ცნობილი თეატროლოგი ოქტავიან საიუ ეწვია, რომელმაც სოხუმის თეატრის სამხატვრო ხელმძღვანელთან, რეჟისორ დავით საყვარელიძესთან ერთად, ხელი თანამშრომლობის მემორანდუმს მოაწერა.
ორგანიზაცია 73 ქვეყნის სხვადასხვა თეატრისა და არაერთი მსოფლიოში ცნობილი, ინდივიდუალური ხელოვანის პარტნიორია. ლიდერთა საერთაშორისო ასოციაციის წევრობა და მასთან თანამშრომლობა საკმაოდ პრესტიჟულთან ერთად, რთულად მიღწევადია. აქედან გამომდინარე, სოხუმის თეატრისათვის და ზოგადად, ქართულ კულტურულ ცხოვრებაში, აღნიშნული ფაქტი მნიშვნელოვან და სასიხარულო დატვირთვას ატარებს.
კ. გამსახურდიას სახელობის სოხუმის სახელმწიფო დრამატული თეატრი, საქართველოში ერთ-ერთი მდიდარი ისტორიის მქონე კულტურული კერაა, რომელიც 1885 წლიდან იღებს სათავეს. შემოქმედებითი ცხოვრება არც მას შემდეგ შეუწყვეტია, რაც თეატრის დასსა და ტექნიკურ პერსონალს აფხაზეთის დატოვება მოუწია. წლების განმავლობაში ჯგუფი წარმოდგენებს სხვადასხვა თეატრალურ სივრცეში მართავდა. მოგვიანებით დევნილობაში მყოფ სოხუმის თეატრს საკუთარი ჭერი გადაეცა და 2019 წლიდან კ. გამსახურდიას სახელობის სოხუმის სახელმწიფო დრამატული თეატრის მრავალფეროვანი შემოქმედებითი ცხოვრება თბილისში, დიმიტრი უზნაძის ქუჩის N68-ში გრძელდება.
თეატრის ლიდერთა საერთაშორისო ასოციაციამ (IATL - International Association of Theatre Leaders), რომლის მიზანია ლიდერობა გააძლიეროს მსოფლიო თეატრის სამყაროში, საქართველოს თეატრებიდან სოხუმის თეატრი გამოარჩია, როგორც ერთგვარი მაგალითი და „გაუტეხელობის სიმბოლო“; მდიდარი ისტორიის მქონე, შემოქმედებითი ცხოვრებით დატვირთული კულტურული ორგანიზაცია, როგორც ადგილობრივ, ისე მსოფლიო ასპარეზზე.
აღნიშნული პარტნიორობა ითვალისწინებს სოხუმის თეატრის საერთაშორისო თეატრალურ სამყაროში კიდევ უფრო მეტ ინტეგრირებას. მემორანდუმის პირობების მიხედვით, შესაძლებელი ხდება უნიკალური ერთობლივი პროექტების შექმნა, ქართული თეატრის ჩართულობის გაზრდა საერთაშორისო კონგრესებში, ფესტივალებსა თუ სემინარებში.
ლიდერთა საერთაშორისო ასოციაციის (International Association of Theatre Leaders – IATL) დამფუძნებელი და პრეზიდენტი, დოქტორი ოქტავიან საიუ საერთაშორისო აკადემიურ ჟურნალებში გამოქვეყნებული არაერთი სტატიისა და თეატრთან დაკავშირებული 14 წიგნის ავტორია. 2010 წელს „კრიტიკოსთა პრემიით“ დაჯილდოვდა, 2013 წელს გადაეცა თეატრის ხელოვანთა კავშირის (UNITER) ჯილდო. 2020 წელს, რუმინეთის პრეზიდენტმა კულტურის წინაშე დამსახურებისათვის, ღირსების ორდენით დააჯილდოვა. ხოლო მიმდინარე წელს, ლიდერობის განვითარებაში შეტანილი განსაკუთრებული წვლილისათვის ოქტავიან საიუს რუმინეთის კულტურის სამინისტრომ საპატიო ჯილდო გადასცა. ა
აღნიშნული პარტნიორობა, საქართველოში მისი მეოთხედ ვიზიტის ფარგლებში შედგა.
ოქტავიან საიუ:
- ქართულ თეატრს როცა ეცნობი, კარგად იგრძნობა თეატრით დაინტერესებული თაობებს შორის კავშირი. მქონდა საშუალება შევხვედროდი ქართული თეატრის როგორც ახალგაზრდა წარმომადგენლებს, ისე უკვე ცნობილ სახელებს. ეს ჰარმონია არამხოლოდ თქვენი ლამაზი ენიდან მომდინარეობს, არამედ ნათლად ვგრძნობ იმ ერთიანობას, ერთსულოვნებასა და ენერგიას, რომელიც სხვადასხვა ასაკის თეატრის გულშემატკივარს ერთმანეთთან აკავშირებს. საერთაშორისო დონეზე რომ განვიხილოთ, ქართულ თეატრს, სწორედ ეს განასხვავებს სხვა ქვეყნის თეატრებისგან. ქართულ თეატრთან პირველი თანამშრომლობა სოხუმის თეატრთან იწყება და შემთხვევითი არ გახლავთ. ყველაზე მნიშვნელოვანი, რასაც ვაფასებთ, ის შემართება და ერთიანობაა, რომელიც სოხუმის თეატრში სუფევს. ვხედავ ლიდერობას, რაც ჩვენთვის ძალიან მნიშვნელოვანია. ჩვენი ორგანიზაცია მსოფლიოში 73 ქვეყნის სხვადასხვა ქვეყნის თეატრსა და ინდივიდუალურ ხელოვანთან თანამშრომლობს. ლიდერთა საერთაშორისო ასოციაციის წევრობა ძალიან პრესტიჟულია, ეს ძალიან ბევრს სურს, თუმცა, რეალურად ძალიან რთულია. ჩვენ ორგანიზაციას ჰყავს მსოფლიოში ცნობილი თეატრალებისგან შემდგარი აღმასრულებელი და მრჩეველთა საბჭო, რომლებიც მსგავსს განაცხადებს განიხილავენ და გადაწყვეტილებებს იღებენ. ჩვენთან ბევრი წერილი შემოდის, მაგრამ ბორდის წევრები უპირატესობას 3 ძირითად კრიტერიუმს ანიჭებენ: აქვს თუ არა ადამიანს ხედვა, შეუძლია თუ არა მან თავის ჩანაფიქრი რეალობაში განახორციელოს და მესამე - შეძლებს თუ არა ეს პერსონამ თავისი საქმით კვალი დატოვოს. მას შემდეგ რაც დავით საყვარელიძე და სოხუმის თეატრის საერთაშორისო ურთიერთობების დეპარტამენტის ხელმძღვანელ ანუკი კვინიკაძე გავიცანი, დავრწმუნდი, რომ ისინი ამ სამ კრიტერიუმს აკმაყოფილებენ. სწორედ ამიტომ, ჩვენმა ორგანიზაციამ მიიღო სოხუმის თეატრთან თანამშრომლობის გადაწყვეტილება. სოხუმის თეატრის ისტორიიდან, მთელი მსოფლიო მასშთაბით არსებულმა თეატრებმა შეიძლება მიიღონ ცოდნა და გამოცდილება. ეს არამხოლოდ სენსიტიური, არამედ მნიშვნელოვანი საკითხია. სოხუმის თეატრი ეს არ არის მხოლოდ „გადარჩენილი“ თეატრის ისტორია, არამედ ადგილი, სადაც ჰუმანურობას, ადამიანობას ვპიულობთ და ამაში კიდევ ერთხელ დავრწმუნდი. ამიერიდან, ყველა ჩვენს პლატფორმასა და კავშირებს გამოვიყენებთ, რათა მსოფლიოს სოხუმის თეატრის არსებობის, ისტორიისა და მნიშვნელობის შესახებ გავაგებინოთ.
- https://sokhumitheatre.ge/en/
- https://theatreleaders.org
- თეატრის Facebook გვერდი: https://www.facebook.com/profile.php?id=61562821530483
- თეატრის Instagram გვერდი: https://www.instagram.com/sokhumi_state_drama_theatre/profilecard/?igsh=bXE2ZnY4aWkyZmRi
- სოხუმის თეატრის საინფორმაციო მხარდამჭერია: ambebi.ge
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
