"შინაბერობიდან მრავალშვილიან დედობამდე ერთი ნაბიჯი ყოფილა“ - ნანუკა გულუა მე-3 შვილს ელოდება
ნანუკა გულუა 41 წლის ასაკში მესამე შვილს ელოდება. ამის შესახებ მსახიობმა საკუთარ დაბადების დღეზე სოციალურ ქსელში დაწერა.
"შინაბერობიდან მრავალშვილიან დედობამდე ერთი ნაბიჯი ყოფილა“, - წერს ნანუკა, რომელსაც მეორე შვილი 2023 წლის დეკემბერში შეეძინა.
"ჩემი 4 ნოემბერიც დადგა მთელი წელი ისე ველოდები ამ დღეს როგორც ახალ წელს… ფული, შური, ორპირობა, ღალატი, გაუტანლობა, ეჭვიანობა, ბოღმა - ეს ის სიტყვებია, რაც ჩემს გონებას და გულს არასოდეს გაჰკარებია, რისთვისაც მადლობელი ვარ უფლის და ჩემი საამაყო მშობლების.
მიყვარს ადამიანები, მიყვარს ჩემი მეგობრები, ჩემი დიდი ოჯახი, ჩემი სამსახური. მიყვარს, მათთვის ცხოვრების გახალისება, მათი ერთგულება,მოფერება, გვერდში დგომა… ჩემს ცხოვრებაში პირდაპირ ზეიმი შემოგაქვთ ჩემებს. მე კი ამ სამყაროსგან და უფლისგან მადლობად ვიღებ. კახა კაშიას, ნინა კაშიას, ირაკლი კაშიას და მუცელში ახალ კაშიას...
ყველას გიხდით მილიონ მადლობას, რომ ხართ, ჩემს ცხოვრებაში და შემოგაქვთ ბედნიერება. მილიონად დაგიბრუნებთ ყველას!
პ.ს. შინაბერობიდან მრავალშვილიან დედობამდე ერთი ნაბიჯი ყოფილა".
კახა კაშიამ და ნანუკა გულუამ 2021 წლის სექტემბერში იქორწინეს. წყვილს ერთი წლის თავზე, გოგონა შეეძინათ, კიდევ ერთ წელიწადში ვაჟი. რამდენიმე თვეში კი მესამე შვილის მშობლები გახდებიან.