“გმადლობთ, ძვირფასო მოლდოველებო, იარეთ სიამაყით - თქვენ ხართ თავისუფლება, იმედი და გამძლეობა“ - წინასწარი შედეგებით, მოლდოვას საპრეზიდენტო არჩევნებში მაია სანდუ ლიდერობს
წინასწარი შედეგებით, მოლდოვას საპრეზიდენტო არჩევნებში პროევროპელმა კანდიდატმა, მოქმედმა პრეზიდენტმა მაია სანდუმ გაიმარჯვა. ინფორმაციას BBC-ი ავრცელებს.
გამოცემის ცნობით, საპრეზიდენტო არჩევნების მეორე ტურის ხმების 98 პროცენტის დათვლის შემდეგ მიღებული მონაცემები აჩვენებს, რომ სანდუ თითქმის 55%-ით ლიდერობს, მისმა მეტოქემ, ალექსანდრე სტოიანოგლომ, რომელსაც მხარს პრორუსული “სოციალისტების პარტია“ უჭერდა, ხმების 45.03%-ი მოიპოვა.
“მოლდოვა, შენ დღეს გამარჯვებული ხართ. ჩვენ ერთად ვაჩვენეთ ჩვენი ერთიანობის, დემოკრატიისა და ღირსეული მომავლის მიმართ ერთგულების ძალა“, - განაცხადა მოლდოვის მოქმედმა პრეზიდენტმა, საპრეზიდენტო არჩევნების მეორე ტურის წინასწარ შედეგებზე კომენტირებისას.
- “გმადლობთ, ძვირფასო მოლდოველებო, შინ და საზღვარგარეთ. იარეთ სიამაყით - თქვენ ხართ თავისუფლება, იმედი და გამძლეობა. მე ვამაყობ, რომ გემსახურებით ყველას“, - აღნიშნა სანდუმ.
შეგახსენებთ, მოლდოვას საპრეზიდენტო არჩევნების მეორე ტურის ხმების 98 პროცენტის დათვლის შემდეგ მიღებული მონაცემები აჩვენებს, რომ სანდუ თითქმის 55%-ით ლიდერობს, მისმა მეტოქემ, ალექსანდრე სტოიანოგლომ, რომელსაც მხარს პრორუსული “სოციალისტების პარტია“ უჭერდა, ხმების 45.03%-ი მოიპოვა.
არჩევნების მეორე ტური გუშინ ჩატარდა. ამომრჩევლების აქტივობა 54%-ი. აქტივობა განსაკუთრებით მაღალი საზღვარგარეთ გახსნილ საარჩევნო უბნებზე, ემიგრანტ ამომრჩევლებს შორის იყო.
პრეზიდენტის მრჩეველმა ეროვნული უსაფრთხოების საკითხებში, სტანისლავ სეკრიეუმ კენჭისყრის მიმდინარეობისას განაცხადა, რომ საარჩევნო პროცესში რუსეთის მხრიდან მასიური ჩარევა ხდებოდა, რომელსაც “შედეგის დამახინჯების მაღალი პოტენციალი“ ჰქონდა.
იხილეთ ასევე: