კიმ კარდაშიანმა პრინცესა დაიანას უძვირფასესი ჯვარი მოირგო, რომელიც აქამდე არავის ჰკეთებია - როგორ აღმოჩნდა სამეფო ოჯახის საკუთრება, ცნობილი ვარსკვლავის ხელში?
კიმ კარდაშიანი LACMA Art+Film Gala-ზე პრინცესა დაიანას ამეთვისტოს ჯვრით გამოჩნდა. 44 წლის კიმმა პრინცესას ნაქონი სამკაულის განსხვავებული სტილით ტარება გადაწყვიტა და საკუთარ იმიჯზე მორგება ამჯობინა.
ეს გამორჩეული აქსესუარი, რომელიც კვადრატულად გამოჭრილი ამეთვისტოს ქვებითა და მრგვალი ბრილიანტებითაა მორთული, არც დაიანამდე და არც მისი გარდაცვალების შემდეგ, დღემდე არავის ჰკეთებია.
- კარდაშიანმა სამკაული 2023 წელს სოტბის აუქციონზე თითქმის $200 000- ად შეიძინა.
აღსანიშნავია, რომ 1987 წელს, როცა პრინცესა დაიანა ლონდონის საქველმოქმედო გალაზე ამავე ჯვრით გამოჩნდა, მისი იმიჯი სრულიად განსხვავდებოდა "კარდაშიანების" შოუს ვარსკვლავისაგან. დაიანას გალაზე ქეთრინ უოქერის შავ-შინდისფერი კაბა ეცვა, მაღალი, ელიზაბეტური სტილის საყელოთი.
რაც შეეხება კიმს, 4 შვილის დედამ ეს განსაცვიფრებელი ყელსაბამი Gucci-ს თეთრ კაბას შეუხამა.
ითვლება, რომ ამეთვისტოს ქვებით გაწყობილი ჯვარი 1920-იან წლებში სამეფო იუველირმა შექმნა.
წყარო: pagesix
მოამზადა: ანა სიბოშვილმა