მკერდის კიბოს ნიშნები მიქელანჯელოს ცნობილ ფრესკაზე: რას ამბობენ მკვლევარები - "ეს შეიძლება იყოს გზავნილი..."
პარიზ-საკლეის უნივერსიტეტის მკვლევარებმა დაადგინეს მკერდის კიბოს ნიშნები ქალში, რომელიც გამოსახულია მიქელანჯელოს სიქსტის კაპელის შედევრში, "წარღვნა".
მკვლევარები თვლიან, რომ მკერდის კიბოს წარმოჩენა ნახატში შეიძლება იყოს გზავნილი სიკვდილის გარდაუვალობის შესახებ.
სიქსტეს კაპელა - Cappella Sistina - ცნობილია განსაცვიფრებელი ფრესკებით, რომელიც მიქელანჯელომ 1508-1512 წლებში მოხატა. მიუხედავად მსოფლიო პოპულარობისა, მეცნიერები მის ნამუშევრებში ახალ დეტალებს მაინც ამჩნევენ.
- ახალ კვლევაში მკვლევარებმა შენიშნეს, რომ ფრესკაზე გამოსახული ერთ-ერთი ქალის მარცხენა მკერდს მკერდის კიბოს რამდენიმე ნიშანი აქვს, მათ შორის დეფორმირებული და ოდნავ გამობურცული თავი.
"მარჯვენა მკერდთან კონტრასტი აშკარაა" - წერდნენ ისინი. იმასაც აღნიშნავენ, რომ მიქელანჯელო აუტოფსიით 17 წლის ასაკში დაინტერესდა, ასე რომ, სავარაუდოდ, მკერდის კიბო მისთვის უცხო არ უნდა ყოფილიყო.
სიქსტის კაპელა პირველად პაპ სიქსტუს IV-ის დროს XV მოიხატა. მაშინ რომის პაპმა საუკეთესო მხატვრები პიეტრო პერუჯინო, სანდრო ბოტიჩელი და მიქელაჯელოს მასწავლებელი დომენიკო გირლანდაიო მიიწვია. XVI საუკუნის დასაწყისში კი იულიუს II მიქელანჯელოს კაპელის ჭერის კედლის ფრესკა დაუკვეთა.