თავდასხმა აშშ-ში, ჰელოუინის წვეულების დროს - არის მსხვერპლი: რა დეტალები ხდება ცნობილი მომხდარის შესახებ

ორლანდოს ცენტრში, სადაც ჰელოუინის დღესასწაულისადმი მიძღვნილი ღონისძიება იმართებოდა, მასობრივი სროლის შედეგად სულ მცირე 2 ადამიანი დაიღუპა.

სროლა გასართობი დაწესებულების გარე პერიმეტრზე მაშინ დაიწყო, როცა იქ ასობით ადამიანი იმყოფებოდა. ისინი კოსტიუმების კონკურსისთვის საგანგებო იყვნენ გამოწყობილნი.

• ორლანდოს პოლიციის უფროსის, ერიკ სმიტის განცხადებით, პოლიციამ Central Boulevard-სა და Orange Avenue-ზე სროლის შესახებ შეტყობინება დაახლოებით 1:07 საათზე მიიღო.

რამდენიმე წუთში კიდევ ერთი თავდასხმა მოხდა Washington Street-ზეც.

მედიის ცნობით, დაშავდა ექვსი ადამიანი, ისინი საავადმყოფოში არიან გადაყვანილები და მდგომარეობა სტაბილურია. დაშავებულთა ასაკი 19-დან 31 წლამდე მერყეობს.

სამართალდამცველთა ცნობით, თავდამსხმელი 17 წლის ჯეილენ დუეინ ედგარია, რომელიც ამ დროისთვის დაკავებულია.

ედგარი 2023 წელს მასშტაბური ქურდობისთვის იყო დაკავებული.

წყარო