მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სიძნელეები მიზიდავს და რადგან ეს საქმე დავიწყე, ბოლომდე მივყევი... რისკები არსებობს" - რა უნდა ვიცოდეთ, თუ წამწამების დაგრძელებას გადავწყვეტთ: რჩევები ცნობილი სპეციალისტისგან
10:01 / 02-11-2024
ეკუნა ყურშიტაშვილი წამწამების დაგრძელების სფეროში ერთ-ერთი წამყვანი სპეციალისტია. ის არა მხოლოდ პროფესიონალი, რომელმაც საფუძვლიანად შეისწავლა თავის სფერო, არამედ ადამიანიც, რომელმაც საკუთარი გამოცდილებიდან და სირთულეებიდან თავისი აკადემიის შექმნა.
ინტერვიუს განმავლობაში ეკუნა გაგვიზიარა თავის ისტორია, თუ როგორ დაიწყო მისი კარიერა, როგორ მიმდინარეობს პროცედურები და რას ფიქრობს თანამედროვე წამწამების პროდუქტებზე. ასევე, ის აღნიშნავს, თუ როგორ უნდა იზრუნოს მომხმარებელმა დაგრძელებულ წამწამებზე და რა უნდა იცოდეს მან, ვინც პირველად აპირებს პროცედურის ჩატარებას
- ეკუნა, როდის დაინტერესდით წამწამების დაგრძელებისა და გახშირების სფეროთი?
- წამწამების დაგრძელების სფეროთი დავინტერესდი მაშინ როდესაც მე თვითონ ვიყავი მომხმარებელი და ვერასდროს ბოლომდე კმაყოფილი ვერ ვრჩებოდი ჩატარებული პროცედურით. მაშინ როდესაც მე დავიწყე ამ პროფესიის შესწავლა და დავიწყე მუშაობა, ძალიან რთული იყო საზოგადოების ნდობის მოპოვება და მომხმარებლების დარწმუნება რომ სწორად ჩატარებული პროცედურით არც თვალს დავწვავდი და არც დავუზიანებდი. დადიოდა ხალხში მითები რომ წამწამებს თუ დაიგრძელებდნენ მხედველობასაც დაკარგავდნენ, აქედან გამომდინარე არ იყო მარტივი ამ მიმართულებით მუშაობა. ზოგადად მე სიძნელეები მიზიდავს და რადგან ეს საქმე დავიწყე ბოლომდე მივყევი. დაწყებიდან რამდენიმე წელში პირველი წამწამების აკადემია შევქმენი რომელმა აკადემიამაც უამრავ ქალს მისცა შესაძლებლობა ეპოვა საკუთარი თავი,და ჰქონოდა მისთვის სასურველ დროზე მორგებული კომფორტული სამუშაო.
- როგორ მიმდინარეობს წამწამების დაგრძელების პროცესი და რა ტიპის მასალებს იყენებთ?
- პირველ რიგში აუცილებელია პროდუქციის თანმიმდევრობის სწორად დაცვა აუცილებელია სისუფთავე. კარგად გაწმენდილი დამუშავებული თვალი. სწორად შერჩეული ზომა, სისქე და წამწამის მოდელი. ერთი კონკრეტული მოდელი ყველა ტიპის თვალს არ უხდება. როდესაც სპეციალისტი ხარ არჩევანი უნდა გქონდეს სხვადასხვა ეფექტის და სისქის წამწამების მისაღებად. ასევე ფერის. აქვე მინდა აღვნიშნო რომ ადამიანისთვის ყველაზე სათუთი ორგანოა თვალი და სპეციალისტი უნდა იწვევდეს ნდობას მომხმარებელში და ამ ნდობას კი სპეციალისტი აფასებდეს. მე პირადად ვიყენებ ჩემივე შექმნილ ბრენდს Lash Dolls Academy- ის პროდუქციას. წლების მანძილზე ვმუშაობდი რათა შემექმნა საკუთარი ბრენდი და მქონოდა უმაღლესი ხარისხის პროდუქცია. დღესდღეობით ამას მივაღწიე და ყველა მომხმარებელია მადლიერია ამ ხარისხით.
- რა დრო სჭირდება პროცედურას და რამდენ ხანს ინარჩუნებს შედეგს?
- პროცედურის დრო დამოკიდებულია პირველ რიგში სპეციალისტზე , თუ რამდენად მოხერხებულია და რამდენად სწრაფი ხელი აქვს. ზოგიერთი სპეციალისტი ჩემთვის საუკეთესოა თუმცა ნელი ხელი აქვს და ამიტომ კარგავენ ბევრ მომხმარებელს. დრო ასევე განისაზღვრება მომხმარებლის თვალის ზომაზე და ბუნებრივი წამწამის სიხშირეზე. შედეგი საშუალოდ 4-6 კვირა აქვს. ესეც დამოკიდებულია სპეციალისტზე და მომხმარებლის პიგმენტზე. არიან მომხმარებლები ვისაც ზედმეტად ცხიმიანი პიგმენტი აქვთ და სწრაფად იცვლიან ბუნებრივ წამწამს, რაც იმას ნიშნავს რომ დაგრძელებულიც მალე სცვივათ.
- რამდენად უსაფრთხოა წამწამების დაგრძელება და გახშირება თვალებისთვის?
- ადრე ვფიქრობ რომ მართლა არ იყო უსაფრთხო, ვინაიდან არ გვქონდა მასალის არჩევის საშუალება ხარისხში. სილამაზის ინდუსტრია ძალიან სწრაფად ვითარდება და ახლა პროდუქციაც უსაფრთხო და ანტი ალერგიული გვაქვს. მიუხედავად იმისა, რომ პროდუქციის არჩევანი ბაზარზე დიდია, მაინც გეტყვით, რომ არც წებო და არც რემოვერი არ მზადდება მარწყვის ჯემით და მასში შემავალი ქიმიური საშუალებები არც თუ ისე სასარგებლოა თვალისთვის. თვალთან მუშაობას ძალიან დიდი სიფრთხილე სჭირდება და უფრო მეტი პასუხისმგებლობა. ხშირად გვხვდებიან არაპროფესიონალებისგან დაზარალებული მომხმარებლები. ამიტომ ყველას ვურჩევ, რომ კვალიფიკაცია აიმაღლონ და ისწავლონ საფუძვლიანად. ან ვფიქრობ ჯანდაცვის სამინისტრომ უნდა მიაქციოს ყველას ყურადღება და შემოიღონ გარკვეული ტიპის რეგულაციები.
- ალერგიულ რეაქციებზე რას გვეტყვი, როგორ ხდება ამის თავიდან აცილება?
- ალერგიული რეაქციები შეიძლება მაშინ გამოვლინდეს, როდესაც პროცედურა არასწორად მიმდინარეობს. მაგალითად ხშირია რემოვერის გამოყენების დროს ალერგია.
- რამდენად ხშირად არის საჭირო კორექცია და რა რეკომენდაციები გაქვთ პროცედურის შემდეგი მოვლისთვის?
- კორექცია აქტიურად კეთდებოდა თავდაპირველად როდესაც ახალი იყო ეს პროცედურა. ახლაც კეთდება, თუმცა კორექცია დაგრძელებიდან 10-14 დღეში. ვინაიდან შემდგომ უკვე ბუნებრივი წამწამი იზრდება და კორექციის გაკეთების შედეგად სასურველ ეფექტს ვერ მივიღებთ. აქვე მინდა აღვნიშნო რომ მე პირადად არ ვაკეთებ კორექციას. საქართველოში ზოგჯერ ერთი თვის ან თვე ნახევრის დაგრძელებული წამწამით მოდიან კორექციაზე. რაზე მუშაობაც შეუძლებელია ვინაიდან იგივე დრო და მასალა სჭირდება როგორც ახალ წამწამს. თვალს მუდმივად სისუფთავე სჭირდება და კორექციას ახალი წამწამის გაკეთება ჯობია.
- რა უნდა იცოდეს ქალმა, რომელიც პირველად აპირებს წამწამების დაგრძელებას?
- თუ პირველად იკეთებთ წამწამს აუცილებლად გაიკეთეთ კლასიკური დაგრძელება და არაუმეტეს 11 ზომა. ვინაიდან ხშირი და გრძელი ზომის წამწამით თავი შეიძლება იგრძნოთ უცხო სხეულში. ამიტომ თავდაპირველად სულ ცოტა და ძალიან მოკლე გაიკეთეთ რომ შეგუების მომენტი მარტივად გადაიტანოთ.
- არსებობს თუ არა რაიმე რისკები რაც მოჰყვება წამწამების რეგულარულად გახშირებასა და დაგრძელებას?
- რისკები არსებობს, ხშირად მომხმარებლები არ მიდიან სპეციალისტთან წამწამის მოსახსნელად და სახლის პირობებში იხსნიან უფრო სწორად იპუტავენ ხელით მაგალითად მეც ასე ვარ, მომწონს ეს პროცესი რის გამოც ხშირად უწამწამოდ ვრჩები. თუმცა არაჩვეულებრივი წამწამის აღმდგენი შრატი მაქვს და წასმიდან მალევე ვუბრუნებ პირვანდელ ეფექტს. მაგრამ ვინც არ ხმარობს წამწამის აღმდგენ შრატს მათ შემთხვევაში ფორები იხურება და წამწამი კარგავს პირვანდელ ეფექტს.
- რამდენად პოპულარულია ეს პროცედურა საქართველოში?
- ვფიქრობ ყველაზე პოპულარული პროცედურაა. მაგალითად რეგიონებში უფრო პოპულარულია და საშუალო შემოსავალი სპეციალისტებს სახლიდან გაუსვლელად 2000-8000 ლარამდე აქვთ შემოსავალი. ეს რეალურია. თუ ყოჩაღია სპეციალისტი ნამდვილად აქვს 8000 ლარი და თან თუ მოსწავლეებიც ჰყავს.
- გაქვთ თუ არა საინტერესო და უცნაური შემთხვევები თქვენი პრაქტიკიდან?
- ბევრი საინტერესო ფაქტი მაქვს და უცნაური, მაგრამ ერთ ერთს გავიხსენებ. ჩემს აკადემიაში ვიღაც კაცმა დარეკა და ქალი ჩაწერა პროცედურაზე. ვიზიტამდე აკადემიაში ჯერ 4 კაცი შემოვიდა შემამოწმეს ყველანაირად, შემდეგ კი ერთი მშვენიერი ქალბატონი. მას შემდეგ 2 წელი ისე ვუკეთებდი წამწამს არც სახელი ვიცოდი არც გვარი. მისი თანამშრომლები წერდნენ პროცედურაზე და მოჰყვებოდა ჯარი. ეს ფაქტი მეუცნაურა იქიდან გამომდინარე რომ მასზე უფრო მაღალი თანამდებობის მომხმარებლებიც მყავს და შეძლებულებიც. უბრალოდ ესე პროცედურაზე სიარული რატომ იყო საჭირო დღემდე ვერ მივხვდი.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
როგორ აგიგდეს ხალხოოო...
შენ ხომ გითხარი გოგო, დეეტიე სახლში თქო, გოგო...! ნუ მარცხვენ თქო, გოგო....!