"ისეთი ზეწოლა იყო "ქოჩორას" საქართველოდან გაყვანაზე, 500 000€-ს ითხოვდა ერთ-ერთი ყოფილი გაზულუქებული მინისტრი, ვისთან დაპირისპირებასაც შევწირე ჩემი დიპლომატიური სამსახური" - როინ ქოჩორაშვილი
პარტია "გახარია საქართველოსთვის" წევრი როინ ქოჩორაშვილი, რომელიც საქართველოს ეროვნული ნაკრების, გიორგი ქოჩორაშვილის მამაა სოციალურ ქსელში პოსტს აქვეყნებს:
"ქოცებო! გუშინდელი საერთაშორისო ორგანიზაციების და ევრო პარლამენტის შეფასების შემდეგ, თუ თქვენ კიდევ ფიქრობთ რომ რამე (ტრიუკი) დარჩა, რომლითაც ევროკავშირში შესვლა შესაძლებელია, დროულად მიხედეთ საკუთარ ჯანმრთელობას (ფსიქოლოგიურ მდგომარეობას) ეს რბილად რომ გირჩიოთ და მიგითითოთ! ვინც გაყალბებაში მიიღეთ მონაწილეობა, თქვენ საკუთარ შვილებს მომავალი წაართვით, დღევანდელი სამსახურების (კაპიკებზე რომ მუშაობთ) შენარჩუნების გამო! მერე სხვას აბრალებთ თქვენი და თქვენი შვილების წარუმატებლობას!
მე სოლიდურ ხელფასზე და სამსახურზე ვთქვი უარი, როცა საქმე ჩემი შვილის მომავალს ეხებოდა, ისეთი ზეწოლა იყო "ქოჩორას" საქართველოდან გაყვანაზე, 500 000€-ს ითხოვდა ერთ-ერთი ყოფილი გაზულუქებული მინისტრი (კლუბის ხელმძღვანელი), ვისთან დაპირისპირებასაც შევწირე ჩემი დიპლომატიური სამსახური (4000$) ხელფასით და ალბათ დამეთანხმებით, რომ სწორი გავაკეთე, სხვა შემთხვევაში "ქოჩორა", როგორც ფეხბურთელი საქართველოში ვერ განვითარდებოდა ამ დონეზე!
ჩვენი გუნდი ახლაც უარს ვიძახით საპარლამენტო მანდატებზე. თუ "ოცნებამ" არ გაასაჯაროვა არჩევნების დღეს ჩატარებული ტრიუკები, ლეგიტიმაციას ჩვენ არ მივცემთ! ახლა თქვენ იფიქრეთ გიღირთ იმ სამათხოვრო კაპიკების გამო ქვეყნის და თქვენი შვილების მომავლის დაკარგვა?" - წერს როინ ქოჩორაშვილი.
ცნობისთვის, როინ ქოჩორაშვილი 2021 წლიდან არის "საქართველოსთვის" წევრი. საპარლამენტო არჩევნების შემდეგ პარტიამ 12 მანდატი მიიღო, ქოჩორაშვილი სიით მეცხრეა.
წაიკითხეთ ასევე: