სკანდალი ტრამპის მხარდამჭერებისთვის მასკის შეთავაზების გარშემო გრძელდება - მილიარდერი სასამართლოში დაიბარეს: რა ხდება ცნობილი?
Reuters - ის ინფორმაციით, მილიარდერი ილონ მასკი სკანდალური განცხადების გამო, რომ ტრამპის ამომრჩევლებს შორის 1 მლნ დოლარს გაათამაშებდა, სასამართლოში დაიბარეს.
სააგენტოს ინფორმაციით, სამართალდამცავი ორგანოები მსგავს ინიციატივას “უკანონო ლატარიად“ მიიჩნევენ. აღნიშნული პროცესი პენსილვანიის მაცხოვრებლებს პირადი ინფორმაციის გაზიარებისკენ უბიძგებს, რაც ფედერალური კანონის დარღვევაა.
- ფილადელფიის რაიონულმა პროკურატურამ სასამართლოში სარჩელი ორშაბათს შეიტანა. მოსამართლემ გასცა განკარგულება, რომ პროცესს, რომელიც უახლოეს დღეებშია ჩანიშნული, ყველა მხარე დაესწროს. სხდომა ხუთშაბათის დილით არის ჩანიშნული.
ამ ცოტა ხნის წინ, მილიარდერმა განაცხადა, რომ ყოველ დღე 1 მილიონ დოლარს გადასცემდა მათ, ვინც ხელს აწერდა მის ონლაინ პეტიციას “სიტყვის თავისუფლებისა და იარაღის უფლების შესახებ“.
აღნიშნული ფაქტის შემდეგ, იუსტიციის დეპარტამენტმა ამერიკის PAC-ს (პოლიტიკური სამოქმედო კომიტეტი) წერილი გაუგზავნა, რომელშიც აღნიშნა, რომ ტრამპის ინიციატივა, შესაძლოა არღვევდეს ფედერალურ კანონს. დეპარტამენტმა აღნიშნულის შესწავლა მოითხოვა.
ამასთანავე, პენსილვანიის შტატის ქალაქ ბატლერში გამართულ წინასაარჩევნო შეხვედრაზე, მასკი ტრამპთან ერთად გამოჩნდა და საზოგადოებას თავი არაორდინალური ქცევით დაამახსოვრა.
ის სცენაზე ხტოდა და მხარდამჭერებს აქტიურობისკენ მოუწოდებდა.
იხილეთ ასევე:
- დონალდ ტრამპი ქალაქ ბატლერში, სადაც მისი მოკვლა სცადეს, ელონ მასკთან ერთად გამოჩნდა - რატომ მოექცა მილიარდერი ყურადღების ცენტრში? (ვიდეო)
- ილონ მასკი და პუტინი 2022 წლის ბოლოდან რეგულარულად საუბრობენ - რას წერს Wall Street Journal მათი საუბრის დეტალებზე?