მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მოხარული ვართ, რომ რიგ ტოპ კლუბებს დავასწარით..." - "ნიუკასლმა" 17 წლის ქართველ ფეხბურთელს კონტრაქტი გაუფორმა: სალია პრემიერ ლიგის გუნდს ერთ წელიწადში შეუერთდება
10:54 / 30-10-2024
პრემიერ ლიგის კლუბმა "ნიუკასლმა" ოფიციალურ საიტზე გამოაქვეყნა ინფორმაცია, რომ 17 წლის ქართველ თავდამსხმელს, ვახტანგ სალიას კონტრაქტი გაუფორმეს.
სალია ინგლისურ გუნდში 2025 წლის აგვისტოში გადავა, ანუ მას მერე, რაც 18 წელი შეუსრულდება. მანამდე კი იჯარით თბილისის "დინამოში" ითამაშებს.
"ნიუკასლის" სპორტულმა დირექტორმა პოლ მიტჩელმა ქართველის ტრანსფერთან დაკავშირებით შემდეგი განაცხადა:
"მოხარული ვართ, რომ რიგ ტოპ კლუბებს დავასწარით და ვახტანგთან ხელშეკრულება გავაფორმეთ. ახალი, ნიჭიერი ფეხბურთელების მოძიება და მოზიდვა მდგრადი მომავლის მშენებლობის მნიშვნელოვანი ნაწილია, განსაკუთრებით არსებული სისტემის ფარგლებში, ამიტომ ბაზარზე მძაფრი კონკურენციაა.
ჩვენ ამ მიმართულებით როგორც ინგლისში ასევე საზღვარგარეთ აქტიურ მუშაობას ვაგრძელებთ, რათა ვიპოვოთ ტალანტები, რომლებსაც მომავალში შეუძლიათ პირველი გუნდის წევრები გახდნენ. ვახტანგთან მუშაობის დაწყებას მოუთმენლად ველით და თბილისის "დინამოში" კარიერის დარჩენილ დროში წარმატებებს ვუსურვებთ".
ამგვარად, მომდევნო სეზონიდან საქართველოს ინგლისის პრემიერ ლიგაში ორი წარმომადგენელი ეყოლება ვახტანგ სალიასა და გიორგი მამარდაშვილის სახით, რომელიც “ლივერპულმა” გასულ ზაფხულს შეიძინა და იჯარით “ვალენსიაში” დატოვა.
სალია 2007 წლის 30 აგვისტოს, თბილისში დაიბადა. მისი სიმაღლე 1.81 მეტრია.
ქართველი ფეხბურთელი თბილისის "დინამოს" საფეხბურთო აკადემიის აღზრდილია.
ა.წ. გაზაფხულზე ბრიტანულმა HITC-მა გაავრცელა ცნობა, რომ ვახტანგ სალიათი, რომელიც მთელ მსოფლიოში ერთ-ერთ ყველაზე პერსპექტიულ ჭაბუკ ფეხბურთელად მიიჩნევა, "არსენალი" და "მანჩესტერ სიტი" იყვნენ დაინტერესებული.
სტატიაშია ასევე აღნიშნული იყო, რომ ქართველ ვუნდერკინდს ხვიჩა კვარაცხელიას ადარებენ და მას აგრეთვე "ჩელსი", "ტოტენჰემი", "ლივერპული", "მანჩესტერ იუნაიტედი", "ნიუკასლი" "რეალი", "ატლეტიკო", "ბარსელონა", პსჟ, "ბაიერნი" და "დორტმუნდი" აკვირდებოდნენ.
ქართველს ეროვნულ ლიგაში დებიუტი 2023 წლის ნოემბერში ჰქონდა, წელს კი 24 თამაშში 5 გოლის გატანა და 2 საგოლე გადაცემის გაკეთებაც მოასწრო. სალიას სხვადასხვა დროს საქართველო 17, 19 და 21 წლამდე ასაკობრივი ნაკრებების ღირსებაც დაუცავს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წარმატებები ამ ბიჭს.მომავალში,თუ ბევრი იშრომა,უკეთეს გუნდშიც გადავა.