შოპენის "დაკარგული ვალსი" თითქმის 200 წლის შემდეგ, შემთხვევით იპოვეს - რას აცხადებს პირი, რომელიც შედევრს მუზეუმის ლაგების დროს გადააწყდა
დაწერიდან თითქმის 200 წლის შემდეგ, პოლონელი კომპოზიტორის, ფრედერიკ შოპენის, ახალი მუსიკალური ნაწარმოები იქნა აღმოჩენილი. “უცნობი ვალსი“ ნიუ-იორკში, მორგანის ბიბლიოთეკისა და მუზეუმის სარდაფში მომუშავემ სრულიად შემთხვევით იპოვა.
იშვიათი ხელნაწერი, რომელიც დათარიღებულია 1830- დან 1835 წლამდე - კურატორმა რობინსონ მაკკლელანმა მაშინ აღმოაჩინა, როდესაც ახალი კოლექციების კატალოგებს ალაგებდა.
აღმოჩენის ავთენტურობის დასადგენად, მან კონსულტაცია შოპენის წამყვან ექსპერტთან გაიარა, რის შემდეგაც დადგინდა, რომ ის ნამდვილად კომპოზიტორს ეკუთვნის.
აღსანიშნავია, რომ აღმოჩენას შოპენის ხელმოწერა არ აქვს. თუმცა, ვალსს რიტმში და ნოტაციაში ისეთი მცირე შეცდომები აქვს, რაც მხოლოდ შოპენისთვის იყო დამახასიათებელი.
“დარწმუნებულები ვართ, რომ ეს არის დაწერილი შოპენის ხელით,” - განუცხადა BBC-ს მისტერ მაკლელანმა.
შოპენი, რომელიც ძირითადად წერდა ფორტეპიანოს სოლოებს, 1849 წელს 39 წლის ასაკში, საფრანგეთში გარდაიცვალა.
- მისი ძირითადი ნაწარმოებებია:
58 მაზურკა
16 პოლონეზი
19 ვალსი
21 ნოქტიურნი
26 პრელუდია (24 პრელუდიის ციკლი და ცალკე 2 პრელუდია)
27 ეტიუდი
4 ექსპრომტი
დასაძინებელი
ბარკაროლა
3 სონატა ფორტეპიანოსათვის
4 ბალადა
4 სკერცო
ფანტაზია ფა მინორი
2 კონცერტი ფორტეპიანოსა და ორკესტრისთვის
სონატა ვიოლონჩელოსა და ფორტეპიანოსათვის
17 სიმღერა ხმისა და ფორტეპიანოსათვის
იხილეთ ასევე: