არ გაუშვა შანსი! გახდი ბესტსელერის ავტორი - კონკურსში ნამუშევრების მიღება გრძელდება!
გაქვთ ისტორია, რომელიც მკითხველმა უნდა გაიგოს? წერთ და გსურთ, თქვენი ნიჭი გამოავლინოთ და მკითხველს თავი გააცნოთ? - მაშინ ლიტერატურული კონკურსი „გახდი ბესტსელერის ავტორი 2025“ სწორედ თქვენთვისაა!
გამომცემლობა „პალიტრა L“ ტრადიციულად აგრძელებს ახალი, საინტერესო ავტორების აღმოჩენას! კონკურსის მთავარი მიზანი თანამედროვე ქართული მწერლობის პოპულარიზაცია და ახალი ნიჭიერი ავტორების მკითხველისთვის გაცნობაა.
„გახდი ბესტსელერის ავტორი 2025“ დაწყებულია! განცხადებები მიიღება 11 ოქტომბრიდან 1 ნოემბრის ჩათვლით.
კონკურსზე მიიღება როგორც რომანი, ასევე მოთხრობების კრებული. ჟანრი და თემატიკა თავისუფალია. კონკურსში მონაწილეობა შეუძლია ნებისმიერ მსურველს, 21 წლის ასაკიდან.
კონკურსზე მიიღება მხოლოდ ამ კონკურსისთვის შექმნილი ან მანამდე გამოუქვეყნებელი ნაწარმოებები.
თქვენ გაქვთ შანსი, გახდეთ ბესტსელერი წიგნის ავტორი.
როგორ მივიღოთ მონაწილეობა:
კონკურსში - „გახდი ბესტსელერის ავტორი“ - მონაწილეობის მიღების მსურველის განაცხადი უნდა შეიცავდეს შემდეგ ინფორმაციას:
1. გვარი, სახელი, ასაკი, საცხოვრებელი ადგილი, მოკლე ბიოგრაფია. გამოუქვეყნებია თუ არა ნამუშევრები კონკურსამდე (ასეთის არსებობის შემთხვევაში, საჭიროა მიუთითოს წყარო: წიგნი, პერიოდული გამოცემა, საიტი და სხვ.). ინფორმაცია უნდა გამოიგზავნოს WORD დოკუმენტით;
2. კონკურსანტის ფოტო (თეთრ ფონზე გადაღებული, პორტრეტის ფორმატში, JPG ფორმატი);
3. საკონკურსო ნაწარმოების მოკლე აღწერა/სინოპსისი (WORD დოკუმენტი) უნდა შეიცავდეს მინიმუმ 50 სიტყვას, მაქსიმუმ - 70 სიტყვას;
4. რომანის შემთხვევაში უნდა გამოგზავნოთ ნაწარმოების პირველი 20-30 გვერდი, პროზაული კრებულის შემთხვევაში - 2-3 მოთხრობა, WORD დოკუმენტი, შრიფტი - Sylfaen, ზომა 11, ხაზებს შორის დაშორება - სტანდარტული (Multiple).
განაცხადების რეგისტრაციის პროცედურა:
ყველა მოთხოვნილი ფაილი უნდა გამოგზავნოთ 11 ოქტომბრიდან 1 ნოემბრის ჩათვლით შემდეგ ელფოსტაზე: konkursi@palitra.ge.;
ნუ დაკარგავთ დროს! გახდი ლიტერატურული სამყაროს ახალი ვარსკვლავი!
დამატებითი ინფორმაცია იხილეთ ბმულზე
#გახდიბესტსელერისავტორი #ლიტერატურულიკონკურსი #ახალგაზრდამწერლები
R