მკვლევრებმა მექსიკის ჯუნგლებში შემთხვევით დაკარგული ქალაქი აღმოაჩინეს - რა საიდუმლოს მალავს მაიას ტომის მეგა საცხოვრებელი კომპლექსი
მკვლევრებმა და მოგზაურებმა მექსიკის ჯუნგლებში, საუკუნეების შემდეგ შემთხვევით აღმოაჩინეს მაიას უზარმაზარი ქალაქი. არქეოლოგების თქმით, უზარმაზარ საქალაქო კომპლექსში მდებარეობს პირამიდები, სპორტული მოედნები, უბნების დამაკავშირებელი გზები და ამფითეატრები.
-
დამალული კომპლექსს "ვალერიანა" უწოდეს.
ლაზერული საკვლევი ტექნოლოგიის, Lidar-ის გამოყენებით დადგინდა, რომ მცენარეული საფარის ქვეშ დამარხული სტრუქტურები მაიას უდიდეს ცივილიზაციას ასახავს.
სამი ნასახლარი, რომლებიც შოტლანდიის დედაქალაქ ედინბურგის ზომისაა, ჯგუფმა შემთხვევით აღმოაჩინა, როდესაც ერთმა არქეოლოგმა ინტერნეტში მონაცემები დაათვალიერა და შეისწავლა.
“გუგლის ძიების მე-16 გვერდზე ვიყავი და აღმოვაჩინე ლაზერული კვლევა, რომელიც მექსიკური ორგანიზაციის მიერ, გარემოს მონიტორინგისთვის ჩატარდა“ - განმარტავს დოქტორანტი აშშ-ში, ტულანის უნივერსიტეტში, ლუკ ოლდ-ტომასი.
Lidar-ის კვლევა არის დისტანციური ზონდირების ტექნიკა, რომელიც ასხივებს ათასობით ლაზერულ იმპულსს თვითმფრინავიდან და ასახავს ქვემოთ მოცემულ ობიექტებს.
როდესაც ოლდ - თომასმა არქეოლოგების მიერ გამოყენებული მეთოდებით დაამუშავა მონაცემები, მან დაინახა ის, რაც სხვებს გამორჩათ - უზარმაზარი და უძველესი ქალაქი, რომელიც 750- დან 850 წლამდე შესაძლოა 30-50,000 ადამიანს იტევდა. მკვლევრების თქმით, ეს იმაზე მეტია, ვიდრე დღეს რეგიონში მცხოვრები ადამიანების რაოდენობა.
თუ რამ გამოიწვია ქალაქის მიტოვება, ჯერჯერობით დაუდასტურებელია, თუმცა არქეოლოგები ამბობენ, რომ მთავარი ფაქტორი იყო კლიმატის ცვლილება.
ვალერიანას აქვს "დედაქალაქის დამახასიათებელი ნიშნები". ქალაქს, გააჩნდა ორი ძირითადი ცენტრი დიდი, სახლებითა და ბილიკებით.
მას ასევე ჰქონდა მოედანი, სადაც ხალხი თამაშობდა უძველესი ბურთის თამაშს. ასევე არის მტკიცებულება წყალსაცავის შესახებ.
კვლევა გამოქვეყნებულია აკადემიურ ჟურნალში Antiquity.
იხილეთ ასევე: