უნგრეთის პრემიერ-მინისტრი ვიქტორ ორბანი საქართველოშია
უნგრეთის პრემიერ-მინისტრი ვიქტორ ორბანი უკვე საქართველოშია. ვიქტორ ორბანი ცოტა ხნის წინ სასტუმრო "თბილისი მარიოტში“ მივიდა.
ვიქტორ ორბანის დახვედრის ცერემონია 29 ოქტომბერს გაიმართება. უნგრეთის პრემიერ-მინისტრს საქართველოს პრემიერი ირაკლი კობახიძე უმასპინძლებს.
შეხვედრები გაიმართება პირისპირ და გაფართოებულ ფორმატში, რის შემდეგაც ირაკლი კობახიძე და ვიქტორ ორბანი მედიისთვის ერთობლივ განცხადებებს გააკეთებენ.