"ვიქტორ ორბანი საქართველოში ვიზიტისას ევროკავშირს არ წარმოადგენს" - ჯოზეფ ბორელი

უნგრეთის პრემიერ-მინისტრი ვიქტორ ორბანი საქართველოში ვიზიტისას ევროკავშირს არ წარმოადგენს, - სააგენტო „ფრანს-პრესის“ ცნობით, ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, ჯოზეფ ბორელმა ესპანეთის საზოგადოებრივი რადიო RNE-თან ინტერვიუში განაცხადა.

„რაც არ უნდა თქვას ბატონმა ორბანმა საქართველოში ვიზიტისას, ის არ წარმოადგენს ევროკავშირს. კავშირის როტაციის წესით არჩეულ პრეზიდენტს საგარეო პოლიტიკაში უფლებამოსილება არ გააჩნია“, - აღნიშნა ბორელმა.

შეგახსენებთ, რომ ვიქტორ ორბანი დღეს საქართველოში ოფიციალური ვიზიტით ჩამოდის.

იხილეთ ასევე:

• კარიერის დასაწყისში ბრძოლა უნგრეთიდან საბჭოთა ჯარების გაყვანის მოთხოვნით, დღეს მეგობრობა პუტინთან და გატაცება ფეხბურთით - რა არის ცნობილი ვიქტორ ორბანზე, რომელიც მრავალშვილიანი მამაა