ლაშა შავდათუაშვილი უკრაინაში ბავშვებს მასტერკლასებს უტარებს - ფოტოები და უკრაინული მედიის გამოხმაურება: "ბავშვების თვალებში ბედნიერებას ვხედავ"

ლაშა შავდათუაშვილი უკრაინაშია. ლონდონის 2012 წლის ოლიმპიური ჩემპიონი, ტოკიოს 2020 წლის ვერცხლის პრიზიორი და რიოს 2016 წლის ბრინჯაოს პრიზიორმა ქვეყნის რამდენიმე ქალაქის ძიუდოს სკოლებში მასტერკლასი ჩაატარა.

შავდათუაშვილმა მედიასთან აღნიშნა, რომ ძალიან ბედნიერია, რომ დნეპრში იმყოფებოდა და ადგილობრივ ბავშვებს თავისი გამოცდილება გაუზიარა.

სატრენინგო ღონისძიება პრეზიდენტის, მიხეილ კოშლაკის ინიციატივით ჩატარდა, რომელმაც აღნიშნა, რომ პირველად მასტერკლასი სამი ქალაქში ჩატარდებოდა. 25 ოქტომბერს დნეპრში გამართულ ღონისძიებას 300-ზე მეტი ძიუდოისტი ესწრებოდა.

"ლაშა შავდათუაშვილის მიღწევებს თვალს დიდი ხანია ვადევნებ. მე ის მომწონს არა როგორც მხოლოდ ძიუდოისტი, არამედ, როგორც - ადამიანი. მისი მოწვევა სწორედ ამიტომ გადავწყვიტე. საქართველოს ძიუდოს ფედერაციის ვიცე-პრეზიდენტთან მეგობრული ურთიერთობა მაქვს. ოლიმპიადის დროს შევუთანხმდი, რომ უკრაინაში ლაშას ვიზიტი დაგვეგეგმა".

ლაშა შავდათუაშვილის თქმით, იგი ბავშვების თვალებში ბედნიერებას ხედავდა და მათთვის ტრადიციული ტექნიკების შესწავლა დიდ ბედნიერებას ანიჭებდა. ღონისძიების მონაწილეებმა სასიამოვნო გამოცდილება მიიღეს და იმედოვნებენ, რომ ეს ცოდნა მომავალში მათ გამარჯვებაში დაეხმარება - წერს უკრაინული მედია.