"26 წევრმა ქვეყანამ და ევროკომისიამ უკან უნდა დაახევინონ ვიქტორ ორბანს - მის მიერ საქართველოს არჩევნების ლეგიტიმაცია ძირს უთხრის თავად ევროკავშირს" - თიის როიტენი

დანარჩენმა 26 წევრმა ქვეყანამ და ევროკომისიამ უკან უნდა დაახევინონ ვიქტორ ორბანს, მას შემდეგ რაც გუშინ და დღეს ვნახეთ და მოვისმინეთ საქართველოს არჩევნებზე, რომელიც „საერთოდ არ შეესაბამება საერთაშორისო დემოკრატიულ სტანდარტებს“, - ამის შესახებ ევროპარლამენტარი, თიის როიტენი სოციალურ ქსელში წერს.

"ორბანის მიერ ამ არჩევნების ლეგიტიმაცია ძირს უთხრის თავად ევროკავშირს", - აცხადებს ევროპარლამენტარი.

ცნობისთვის, საქართველოს 28-29 ოქტომბერს ოფიციალური ვიზიტით ევროკავშირის საბჭოს თავმჯდომარე ქვეყნის, უნგრეთის პრემიერ-მინისტრი ვიქტორ ორბანი ეწვევა. ამის შესახებ ინფორმაციას საქართველოს მთავრობის ადმინსიტრაცია ავრცელებს.

ამავე ინფორმაციით, 29 ოქტომბერს საქართველოს მთავრობის ადმინისტრაციაში პრემიერ-მინისტრ ორბანის დახვედრის ოფიციალური ცერემონია გაიმართება.

ორბანი ერთ-ერთი პირველი იყო, ვინც ეგზიტპოლების გამოცხადების შემდეგ საქართველოს მმართველ პარტიას გამარჯვება მიულოცა.

წაიკითხეთ ასევე:

• "რუსეთის მარიონეტმა უნგრეთში ნათელი გახადა ვის მხარესაა "ქართული ოცნება" - კინზინგერი