"როცა სახეში მოვარტყი, მაქსმა რამდენიმე ნაბიჯით უკან დაიხია, ეს იშვიათად ხდება... ამ დროს ჩემმა ძმამ დამიძახა" - თოფურიას პირველი კომენტარი გამარჯვების შემდეგ

26 ოქტომბერს აბუ-დაბიში დაწყებულ UFC 308-ზე ქართველი ჩემპიონი ილია თოფურია ჩემპიონის ტიტულის დასაცავად მაქს ჰოლოუეის დაუპირისპირდა.ღონისძიება 18:00 საათზე დაიწყო, დღის მთავარ ორთაბრძოლა კი ყველაზე გვიან გაიმართა.

• ქართველმა მებრძოლმა “მატადორმა“ UFC-ს ჩემპიონის ტიტული დაიცვა. ორთაბრძოლაში ილია თოფურიამ მეტოქე მესამე რაუნდში ნოკაუტით დაამარცხა და პირველი ქართველი მებრძოლი გახდა, რომელმაც UFC-ის საჩემპიონატო ქამარი დაიცვა.

ისტორიული გამარჯვების შემდეგ ილიამ კომენტარი გააკეთა, რომელსაც crystalsport-ი ავრცელებს.

"არ ვიცი რა ვთქვა. ისეთი ლეგენდის დამარცხება როგორც ჰოლოუეია, უბრალოდ დაუჯერებელია. მთელი მისი კარიერის განმავლობაში მაქსი ჩემი შთაგონების წყარო იყო. როცა სახეში მოვარტყი, მან რამდენიმე ნაბიჯით უკან დაიხია. იშვიათად ხდება ისე, რომ მაქსი უკან იხევს. ამ დროს ჩემმა ძმამ დამიძახა, რომ ზეწოლა გამეგრძელებინა" - თქვა თოფურიამ.

ნახეთ ასევე:

• ილია თოფურიამ ჰოლოუეი დაანოკაუტა და ტიტული დაიცვა - მერაბ დვალიშვილის, სერხიო რამოსის, ოჯახის წევრების და ჯორჯინას ემოციები ისტორიული გამარჯვების შემდეგ