19
ივნისიდღის ზოგადი ასტროლოგიური პროგნოზი
საქართველოს საპარლამენტო არჩევნებში ხმის მიცემის პროცესი დასრულდა. 20:00 საათზე საარჩევნო უბნები დაიხურა. ახლა უკვე არჩევნების შედეგების დათვლა იწყება.
- საპარლამენტო არჩევნები სრულად პროპორციული სისტემით ჩატარდა - პარლამენტის 150-ვე მანდატი პროპორციული წესით იმ საარჩევნო სუბიექტებს შორის განაწილდება, ვინც 5%-იან საარჩევნო ბარიერს გადალახავს.
ასევე პირველად, ეს ელექტრონული არჩევნები იყო, სადაც ამომრჩეველთა დაახლოებით 90%-ს ხმის მიცემა ელექტრონული მოწყობილობების მეშვეობით შეეძლო. ცესკოს ინფორმაციით, არჩევნებისთვის ამომრჩეველთა საერთო რაოდენობა 3 508 294-ს შეადგენდა.
საარჩევნო უბნების დასრულების შემდეგ ცნობილი გახდა ეგზიტპოლის შედეგები.
ტელეკომპანია "იმედის" დაკვეთით საპარლამენტო არჩევნებს არჩევნებს აკვირდებოდა და ეგზიტპოლი ჩაატარა საერთაშორისო კომპანია "გორბმა", რომლის შედეგების მიხედვითაც პროპორციული არჩევანის მიხედვით, ამომრჩევლის ხმები ასე განაწილდა:
- (#41) “ქართული ოცნება“(#5) - 56,1%“
- კოალიცია ცვლილებისთვის“ - გვარამია, მელია, გირჩი, დროა(#9) 12,6%
- “ერთიანობა - ნაციონალური მოძრაობა“(#4) - 11, 16%
- ლელო - 7%გახარია საქართველოსთვის 4,8%
- გირჩი -3 %
- პატრიოტთა ალიანსი - 2,2%
- სხვა დანარჩენი პარტიები 2,8%
საარჩევნო უბნების დახურვის შემდეგ “ქართული ოცნების” საპატიო თავმჯდომარემ ბიძინა ივანიშვილმა ამომრჩეველს მიმართა.
„მოგესალმებით და დიდი მადლობა მინდა გადაგიხადოთ აქ შეკრებილ საზოგადოებას და მთელს საქართველოს, ჩვენს ამომრჩეველს, რომელიც გულწრფელად, ასეთი ერთგულებით მოგვყვება უკვე მეოთხე არჩევნებია. იშვიათია ასეთი შემთხვევა მთელს მსოფლიოში, რომ ერთი და იგივე პარტია ასეთ რთულ სიტუაციაში აღწევდეს ასეთ წარმატებებს - ეს არის ქართველი ხალხის ნიჭიერების კარგი მაჩვენებელი. გარწმუნებთ, ჩვენი ქვეყანა უახლოეს ოთხ წელიწადში დიდ წარმატებას მიაღწევს”, - განაცხადა ივანიშვილმა.
სცენიდან მოქალაქეებს მიმართა პრემიერ-მინისტრმაც:
"პირველ რიგში, მადლობას გადავუხდი გუნდს. დიდი მადლობა თითოეულ მხარდამჭერს, თითოეულ თქვენგანს. დიდი მადლობა ქართველ ხალხს. ამ 12 წლის განმავლობაში არცერთი დღე არ ყოფილა იოლი, მაგრამ ბოლო 4 წელი მაინც განსაკუთრებულად რთული იყო. ბევრი სირთულის გადატანა მოგვიწია ამ პერიოდის განმავლობაში. რა თქმა უნდა, ვერცერთ წარმატებას ვერ მივაღწევდით, რომ არა ქართველი ხალხის დგომა ხელისუფლებასთან ერთად, მის მიერ არჩეულ ხელისუფლებასთან ერთად, „ქართულ ოცნებასთან“ ერთად. მადლობა ქართველ ხალხს, გამოცდილ და ბრძენ ხალხს. მადლობა თანადგომისთვის. ერთად დგომისთვის. ამ გამარჯვების მთავარი ავტორი, რა თქმა უნდა, ქართველი ხალხია. ჩვენი მილიონზე მეტი თანამოქალაქე გამოვიდა საარჩევნო უბნებზე და მხარი დაუჭირა მშვიდობას, ჩვენი ქვეყნის ნამდვილად ნათელ და ევროპულ მომავალს. გილოცავთ!“,- განაცხადა კობახიძემ.
ოპოზიციურმა კოალიციებმა Edison Research-ის ეგზიტპოლის შედეგები აღნიშნეს, რომელიც ტელეკომპანია "ფორმულას“ დაკვეთით ჩატარდა.
- ქართული ოცნება - ხალხის ძალა - 40,9%
- კოალიცია ცვლილებისთვის - 16.7%
- ერთიანობა - ნაციონალური მოძრაობა - 16,7%
- ძლიერი საქართველო - 10,3%
- გახარია - საქართველოსთვის - 8,2%
- გირჩი - 2,3%
- საქართველოს პატრიოტთა ალიანსი - 2%
- საქართველოს ლეიბორისტული პარტია - 2%
- სხვა - 0,9%
"ნაციონალურო მოძრაობის" თავმჯდომარემ თინა ბოკუჩავამ ეგზიტპოლების გამოცხადების შემდეგ თქვა, რომ უმოკლეს დროში, პრეზიდენტ სალომე ზურაბიშვილის ჩართულობით შეიქმნება პროცესი, "ქართული ქარტიის" ირგვლივ იმისთვის, რომ მთავრობა დაკომპლექტდეს.
"მოხდა ის, რასაც ვპროგნოზირებდით მრავალი თვის, კვირის და დღის განმავლობაში. მიუხედავად ბიულეტენების ჩაყრისა და ძალადობისა გაიმარჯვა ევროპამ და ქართველმა ხალხმა! დღეს არ გაიმარჯვა რომელიმე ერთმა პარტიამ, გაიმარჯვა ქვეყნის ევროპულმა მომავალმა, გაიმარჯვა ოპოზიციამ და დამარცხდა „ქართული ოცნება“, ივანიშვილის დრო დასრულდა! ეს ჩვენ ვნახეთ ეგზიტპოლებში, რომელიც ახლა გამოქვეყნდა.
ქართველმა ხალხმა ისტორიულ არჩევნებზე გააკეთა არჩევანი კოალიციურ მთავრობაზე, კოალიციურ ხელისუფლებაზე. ჩვენ, ამ ნდობას, რომელიც მივიღეთ ხალხისგან ვეპყრობით დიდი პასუხისმგებლობით. უმოკლეს დროში, სხვა ოპოზიციურ პარტიებთან ერთად, რომლებმაც გადალახეს საარჩევნო ბარიერი დავიწყებთ მოლაპარაკებებს კოალიციური მთავრობის ფორმირებაზე, რომელიც ჩვენს ქვეყანას შეიყვანს ევროკავშირში!“, - აღნიშნა ბოკუჩავამ.
"ძლიერი საქართველოს" ერთ-ერთმა ლიდერმა, მამუკა ხაზარაძემ Edison Research-ის ეგზიტპოლის გამოცხადების შემდეგ ამომრჩეველს მიულოცა.
„გილოცავთ საქართველოში რუსული ხელისუფლების დამარცხებას! ხალხის ნება გამოხატულია. ახლა ამ ნებას სჭირდება დაცვა, საქმე ბოლომდე არის მისაყვანი. მე მინდა მოვუწოდო ყველა ჩვენ წარმომადგენელს უბნებზე, რომ ბოლო წუთამდე დაიცვან ჩვენი ამომრჩევლის ხმები. ეს საქმე ბოლომდე არის მისაყვანი. კიდევ ერთი, დღეს ქართულმა საზოგადოებამ, ჩვენმა მოქალაქეებმა სტაგნაციის პერიოდი დაამთავრეს. საქართველოში ახალი პერიოდი, ცხოვრება იწყება, რომელიც არის თავისუფლებისკენ, დემოკრატიისკენ და ქვეყნის აღმშენებლობისკენ, ძლიერი საქართველოს ასაშენებლად მიმართული ძალა და ენერგია მუშაობას იწყებს.
რაც ყველაზე მთავარია, საქართველოში ბოლომდე დამთავრდა ბიძინა ივანიშვილის კლეპტოკრატიული მმართველობა, ამას წერტილი ქართულმა საზოგადოებამ დაუსვა. ყველას გილოცავთ!“, - განაცხად ხაზარაძემ.
