გიორგი მუმლაძის განცხადებით, ყიზილაჯლოს 74-ე უბანზე ე.წ. წიწაკის სპრეი მან გაუშვა - “მათ ეზოში სასტიკად იძალადეს...“
არასამთავრობო ორგანიზაცია “სამოქალაქო ერთობის“ დამკვირვებლის, გიორგი მუმლაძის განცხადებით, ყიზილაჯლოს 74-ე უბანზე ე.წ. წიწაკის სპრეი მან გაუშვა
როგორც მუმლაძე განმარტავს, მას სარჩევნო უბანზე ფიზიკურად გაუსწორდნენ და სპრეი თავდაცვისთვის გამოიყენა.
“დამკვირვებელ თინათინ ნოზაძეზე ფსიქოლოგიური და ფიზიკური ზეწოლა განხორციელდა, უბნიდან აგდებდნენ. როცა გასარკვევად მივედით, აღმოჩნდა, რომ რეგისტრატორებზე უკანა მხრიდან დაკვირვების საშუალებას არ აძლევდნენ. ყიზილაჯლოს “ქართული ოცნების" მაჟორიტარმა დეპუტატმა საკრებულოში, ჯეიჰუნ ჩოიდაროვმა ჯგუფი დააორგანიზა, მათ უბანზე, სადაც კენჭისყრა მიმდინარეობდა, დამარტყეს.
- საარჩევნო უბნიდან გამოსვლის შემდეგ, მეორე ოთახში 20-მდე ადამიანმა მოგვიმწყვდია, მე პირადად, გაზის სპრეი მქონდა, თავი დავიცავი და ეს ხალხი მოვიგერიე. ამ ხალხის თავდასხმის შემდეგ სპრეი გამოვიყენე, კადრებშიც ჩანს ჩემზე თავდასხმა. მათ ეზოში სასტიკად იძალადეს "ერთიანი ნაციონალური მოძრაობის" თავმჯდომარეზე, დამკვირვებლებზე",- განაცხადა მუმლაძემ.
შეგახსენებთ, რომ დილის საათებში, მარნეულში ორ საარჩევნო უბანზე დაძაბული სიტუაცია იყო.
არსებული ინფორმაციით, 74-ე საარჩევნო უბანზე ფიზიკური დაპირისპირება მოხდა, შედეგად 1 ადამიანი დაშავდა. არსებული ინფორმაციით, ნაცემია საარჩევნო უბანში მყოფი მამაკაცი.
როგორც აქტივისტი გიორგი მუმლაძე აცხადებს, მათ თავს 20-30 მამაკაცი დაესხა.
“პირველი დამარტყეს მე. 3-4 ადამიანი დამესია, გამოვედი უბნიდან და აპირებდნენ ჩემს ძირს დაგდებას.გამოვედით თუ არა, ასეთ დღეში ჩავარდა ჩვენი ოპოზიციის პარტიის თავმჯდომარე. დაგვესია 20-30 ადამიანი. უნდოდათ ჩვენი ფიზიკური განადგურება. ეს არის კატასტროფა და ეს იყო ფიზიკური თავდასხმა ჩვენზე,“ - განაცხადა მუმლაძემ.
იხილეთ ასევე: