თავდასხმა ჩეჩნეთში "როსგვარდიის" დანაყოფზე - "სამხედრო კოლონას ცეცხლი გაუხსნეს, დაიღუპა ერთი ჯარისკაცი": რა მოხდა გროზნოში?
ჩეჩნეთში სამხედრო კოლონას ესროლეს, არის მსხვერპლი. ამის შესახებ რუსეთის ეროვნული გვარდია ("როსგვარდია”) ავრცელებს.
- "როსგვარდიის" ინფორმაციით, უცნობმა პირებმა გროზნოს გარეუბანში სამხედრო კოლონას ცეცხლი გაუხსნეს. მათივე ცნობით შემთხვევის შედეგად ერთი სამხედრო მოსამსახურს გარდაიცვალა, ხოლო კიდევ ერთი დაიჭრა.
"როსგვარდიაში" აცხადებენ, რომ რუსეთის უსაფრთხოების უწყებები თავდამსხმელების პოვნასა და დაკავებას ცდილობენ.
"ტელეგრამზე" ჩეჩნური ოპოზიციური არხები აქვეყნებენ ვიდეოებს, რომლებზეც მათი ინფორმაციით აღბეჭდილია თავდასხმის შედეგი. ვიდეოებზე ნაჩვენებია სამხედრო მანქანა ტყვიის კვალით, გზატკეცილზე ჩანს სისხლის ლაქები და ასევე მამაკაცის ცხედარი.
"ტელეგრამ" არხების Mash-ისა და Baza-ს ინფორმაციით, თავდასხმა 24 ოქტომბერს, დაახლოებით 12:00 საათზე მოხდა