"ეს ხდება არჩევნებამდე 3 დღით ადრე, რაც ძალიან ბევრ კითხვებს ბადებს" - რას ამბობს Atlantic Council-ის თანამშრომელი, რომლის სახლშიც ჩხრეკა ჩატარდა?
Atlantic Council-ის თანამშრომელი სოფო გელავა აცხადებს, რომ მის სახლში ჩატარებული ჩხრეკა, არჩევნებამდე სამი დღით ადრე, ეჭვს ბადებს.
სოფოს მეუღლე ფედერალისტების პარტიის წევრი გიორგი ნონიაშვილია. ფინანსური პოლიციამ, რომელიც წყვილის სახლში რამდენიმე საათის წინ შევიდა წაიღო სოფო გელავას პერსონალური კომპიუტერი, პირადი ტელეფონი, გიორგი ნონიაშვილის და მათი არასრულწლოვანი შვილის ლეპტოპებიც.
სოფო გელავას თქმით, ჩხრეკა დაკავშირებულია Atlantic Council-თან, კომპანიასთან, რომლის კონტრაქტორიც არის.
"დილას მოვიდა სახლში ფინანსური საგამოძიებო სამსახური. თქვეს, რომ არის გამოძიება მიმდინარეობს გადასახადების თავის არიდებასთან დაკავშირებით იმ კომპანიის მხრიდან, რომელიც არის დაქირავებული ატლანტიკური საბჭოს მიერ, შრომითი ხელშეკრულებების გასაფორმებლად. ეს ყველაფერი ხდება არჩევნებამდე სამი დღით ადრე, რაც რა თქმა უნდა ძალიან ბევრ ეჭვს აჩენს და კითხვებს ბადებს.
ჩემი სამსახური არის დაკავშირებული პირდაპირ პოლიტიკურ საქმიანობასთან, დეზინფორმაციის კვლევასთან და რუსეთის ჩარევასთან ქართულ პოლიტიკურ რეალობაში. წაიღეს ჩემი ტელეფონი, ლეპტოპი, ჩემი ქმრის ლეპტოპი, რომელიც ასევე არის პოლიტიკოსი, ასევე არასრულწლოვანი შვილის ლეპტოპი. და ეს ყველაფერი ხდება არჩევნებამდე სამი დღით ადრე, რა თქმა უნდა, ძალიან ბევრ კითხვებს ბადებს", - ამბობს სოფო გელავა, რომლის კომენტარსაც "ტაბულა ავრცელებს.
იხილეთ ასევე:
- "თქვეს, რომ გაზის შემოწმების სამსახურიდან იყვნენ და გაჟონვა იყო... შემოვარდა, დაახლოებით, 6 ადამიანი, დაიწყეს პირდაპირ ჩხრეკა..." - რას ჰყვება ეთო ბუზიაშვილი?
- ფინანსთა სამინისტროს საგამოძიებო სამსახური რამდენიმე პირის, მათ შორის პოლიტიკოს გიორგი ნონიაშვილის სახლში, ასევე ერთ-ერთ ამერიკულ კომპანიაში ჩხრეკას ატარებს - რა ხდება ცნობილი?
- ჩხრეკა ქუთაისშიც - ვისთან და რატომ შევიდა ფინანსთა სამინისტროს საგამოძიებო სამსახური?