"მაკა ასათიანს ვერავინ უბედავს რამის თქმას, დაბულინგებას, ჭკუის სწავლებას" - რას წერს ნანიკო ხაზარაძე და როგორ ეხმაურებიან ცნობილები მის პოსტს?
გუშინ ყულევის ნავთობგადამამუშავებელი ქარხნის პროექტის პრეზენტაციაზე გაიმართა, რომელიც პრემიერ-მინისტრმა გახსნა. ღონისძიების სტუმრებს სიტყვით მიმართეს ასევე პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა და კომპანია Black Sea Petroleum-ის დამფუძნებელმა მაკა ასათიანმა. პრეზენტაციას აღმასრულებელი, საკანონმდებლო და ადგილობრივი ხელისუფლების წარმომადგენლები დაესწრნენ.
შეიძლება ითქვას, რომ ეს იყო იშვიათი ღონისძიება, სადაც ასათიანი სიტყვით გამოვიდა. მის ამჟამინდელ საქმიანობაზე ბევრი არაფერია ცნობილი, მაკა საქართველოში მხოლოდ მნიშვნელოვან ღონისძიებებზე ჩამოდის. ისიც ისე, რომ მედიასთან კომენტარს არ აკეთებს...
ჟურნალისტი ნანიკო ხაზარაძე ასათიანის გუშინდელ გამოჩენას პოსტით ეხმაურება, რომელსაც უამრავი ცნობილი სახე ეხმაურება:
"საინტერესო რამ გამოიკვეთა, მაკა ასათიანს ვერავინ უბედავს რამის თქმას, დაბულინგებას, ჭკუის სწავლებას და ა.შ ♡ფოტო ილუსტრაციისთვის, მიყვარხართ" - წერს ნანიკო, რომლის საპასუხოდ ვკითხულობთ:
ნატალია ქუთათელაძე: უკეთილშობილესი ადამიანია. სიკეთის მეტი არაფერი უკეთებია მთელი ცხოვრება!
ვიკა ბუკია: ნუ ამ პოსტის მერე დააბულინგებენ. რას ერჩოდი
ნინია კაკაბაძე: მაკა ასათიანისგან სხვას არაფერს ველი, ისე როგორც ბაბი კირკიტაძისგან
მარიკა ბაკურაძე: მიყვარს, ბაბლი შერჩევითი სამართლის დოქტორად რომ გვევლინება
ნინო დარასელი: იმიტომ არ ,"აბულინგებენ", რომ მსგავსს არასდროს დაწერდა
დიზაინერი მაკა ასათიანი პოპულარული ჯერ კიდევ 90-იან წლებში გახდა. მისი თამამი ჩვენებები მოდის ინდუსტრიაში ერთგვარი გარღვევა იყო. ხშირად იწერებოდა მის პირად ცხოვრებაზეც. ფეხბურთის ფედერაციის იმჟამინდელი პრეზიდენტის, მერაბ ჟორდანიას მეუღლე ორ ვაჟს ზრდიდა. წყვილის დაშორებიდან წლების შემდეგ, მაკა ბიზნესმენ კოტე გოგელიაზე გათხოვდა. წყვილი საცხოვრებლად შვეიცარიაში გადავიდა და ქართული მედიის თვალსაწიერიდანაც გაქრა. წყვილს მალე საერთო შვილი, ვაჟი შეეძინათ. მაკა საქართველოში პერიოდულად ჩამოდის.
წლების წინ მაკას ბიზნესსაქმიანობა სამოდელო სააგენტოს დაფუძნებით დაიწყო. კარგა ხანს მამის, კახი ასათიანის კუთვნილ კომპანიას - "აირზენასაც" ხელმძღვანელობდა. მაკა ასათიანის მეუღლის, კოტე გოგელიას ქონება, არაოფიციალური მონაცემებით, 50 მილიონი დოლარია.
ცნობილი დიზაინერი და ლამაზი ქართველი ქალი 45 წლის ასაკში გახდა ბებია, როდესაც უფროს ვაჟს კახი ჟორდანიას ქალიშვილი ლეა შეეძინა.
წაიკითხეთ ასევე: