"ამ გარეწართან რომ დგანან, მათ გასამართლება მოუწევთ - მოუწევთ მკაცრი პასუხისგება, მასაც და მისი პარტიის წევრებსაც" - ივანიშვილი გიორგი გახარიაზე
"არასდროს შეურაცხყოფა არ მიმიყენებია პოლიტიკოსისთვის, მაგრამ ამ გარეწართან[გიორგი გახარია], ამასთან რომ დგანან, ამის გვერდით, რა თქმა უნდა, მათ გასამართლება მოუწევთ", - ამის შესახებ "ქართული ოცნების“ საპატიო თავმჯდომარემ, ბიძინა ივანიშვილმა პარტია "გახარია საქართველოსთვის“ წევრებზე საუბრისას განაცხადა.
- როგორც ბიძინა ივანიშვილმა აღნიშნა, "გახარია საქართველოსთვის“ წევრები "ნაციონალური მოძრაობის“ ნარატივს ერთი-ერთზე იმეორებენ და უარესზეც გადადიან, რის გამოც მკაცრ სასჯელს იმსახურებენ.
"ისევ დავუბრუნდები ამ ჩემს მოუშუშებელ ჭრილობას - აი, გახარიას პარტიის წევრები. არასდროს შეურაცხყოფა არ მიმიყენებია პოლიტიკოსისთვის, მაგრამ ამ გარეწართან, ამასთან რომ დგანან, ამის გვერდით, რა თქმა უნდა, მათ გასამართლება მოუწევთ. რა თქმა უნდა, შავით თეთრზე დავუმტკიცებთ ყველაფერს, რას აკეთებდა, რისთვის აკეთებდა, "ნაციონალური მოძრაობის“ მოყვანას როგორ ეხმარებოდა და ეხმარება დღესაც და რა კარგად აქვს გაცნობიერებული, რომ საქართველო მეორე დღესვე ომში უნდა ჩართოს, სასამართლოს დონეზე გვაქვს ყველა დოკუმენტი დალაგებული, რა თქმა უნდა, ამათ მოუწევთ პასუხისგება და მკაცრი პასუხისგება, მასაც და მისი პარტიის წევრებსაც. უფრო მეტი გაღიზიანება მათზე მაქვს, ისინი "ქართული ოცნების“ წევრები იყვნენ, უმრავლესობა და ჩვენი მანდატით შემოვიდნენ პარლამენტში.
დღეს რომ თავს იდებილებენ და იმეორებენ "ნაციონალური მოძრაობის“ ნარატივს ერთი-ერთზე და უარესზეც გადადიან ზოგჯერ, რა თქმა უნდა ისინი მკაცრ სასჯელს იმსახურებენ და გარწმუნებთ, რომ მიიღებენ კიდეც“, - განაცხადა ბიძინა ივანიშვილმა
- ნახეთ ასევე:
- "ირაკლი შეეკითხა: როგორ წარმოგიდენიათ, ჩვენ რამდენი დღე შეგვიძლია ვიომოთ, რამდენ დღეს გავუძლებთო? – 3-4 დღეო. 3-4 დღის გამო გვღუპავთო?" - ივანიშვილი ღარიბაშვილის ნაამბობს იხსენებს
- "უკვე დავურეკე ამერიკის ელჩს, ვთხოვე შეხვედრა - ჩემგან პრობლემა აღარ არის და მზად ვარ შესახვედრად" - რას ამბობს ბიძინა ივანიშვილი აშშ-სთან ურთიერთობაზე