"ჰამასის" ლიდერის ქვრივი Hermès-ის 32 000-დოლარიანი ჩანთით საიდუმლო გვირაბში და სეიფი მილიონობით დოლარით - ბუნკერის კადრები, სადაც იაჰია სინვარი ოჯახთან ერთად ცხოვრობდა
რამდენიმე დღის წინ, ისრაელის ღაზაში, ისრაელის არმიის თავდასხმის შედეგად, "ჰამასის" ერთ-ერთი ლიდერის, იაჰია სინვარის ლიკვიდაცია განხორციელდა. სინვარის გარდაცვალების შესაცებ განაცხადე ჯერ ისრაელში, ხოლო მოგვიანებით "ჰამასმაც" დაადასტურა. ისრაელის არმიამ ასევე გაავრცელა სინვარზე ტავდასხმისა და მისი სიცოცხლის უკანსკნელი წუთების ამსახველი კადრები.
"ეს არის მნიშვნელოვანი სამხედრო და მორალური მიღწევა ისრაელისთვის და მთელი თავისუფალი სამყაროს გამარჯვება რადიკალური ისლამის ბოროტების ღერძის წინააღმდეგ, რომელსაც ირანი ხელმძღვანელობს.
სინვარის განადგურება გვაძლევს მძევლების დაუყოვნებლივ გათავისუფლების შესაძლებლობას. ეს ყოველივე ღაზაში ახალ რეალობას შექმნის - "ჰამასისა" და ირანის კონტროლის გარეშე" - აცხადებდა ისრაელის საგარეო საქმეთა მინისტრი, ისრაელ კაცი.
ცოტა ხნის წინ, IDF-მა გამოაქვეყნა კადრები, რომელიც სინვარის გარდაცვალებამდეა გადაღებული. კადრებში ჩანს, როგორ გადაადგილდება "ჰამასის" ლიდერი მეუღლესთან, აბუ ზამართან ერთად საიდუმლო გვირაბში. სინვარის ცოლს ხელში ჰერმესის ბირკინის 32 000-დოლარიანი ჩანთა უჭირავს.
- სამწუთიან ვიდეოში ნაჩვენებია სინვარი, რომელსაც წყლის ბოთლები, კომფორტული ბალიშები და სხვა ნივთები თავის სამალავში მიაქვს.
"სინვარის ცოლი გვირაბში მიიპარებოდა - ჰერმეს ბირკინის 32 000-დოლარიანი ჩანთით, მაშინ როცა მოსახლეობას უკიდურეს გაჭირვებაში უწევს არსებობა, სინვარი და მისი ოჯახი ურცხვად ცხოვრობდნენ ფუფუნებაში და სხვებს სასიკვდილოდ აგზავნიდნენ. სიცოცხლის ბოლო წუთებში სინვარი მხოლოდ თავის თავზე და ოჯახზე ფიქრობდა. პარალელურად კი ტერორისტებს აგზავნიდა ისრაელელი ბავშვებისა და ქალების დასახოცად", - აცხადებენ ისრაელის თავდაცვის უწყებაში.
- IDF-მა ასევე გამოაქვეყნა სამალავის სურათები, სადაც სინვარმა თვეები გაატარა. მან ასევე თავის ბუნკერში შეიტანა საყვარელი გამაგრილებელი სასმელი Vimto, უამრავი საკვები - მათ შორის გაეროს დახმარების სააგენტო UNRWA ამანათები, რომლებიც მშვიდობიანი მოსახლეობისთვის იყო განკუთვნილი.
მიწისქვეშა კომპლექსს ჰქონდა თანამედროვე საპირფარეშოები, საშხაპე, ლუქსი და დიდი ტელევიზორი, ადგილზე იპოვეს სეიფი, რომელშიც მილიონობით აშშ დოლარი იყო შენახული.
- იაჰია სინვარი
იაჰია სინვარი 1962 წელს დაიბადა.
იგი "ჰამასის“ უსაფრთხოების სამსახურის, Majd-ის დამფუძნებელი იყო. ეს სამსახური მართავს შიდა უსაფრთხოების საკითხებს და თვალყურს ადევნებს ისრაელის დაზვერვისა და უსაფრთხოების სამსახურის ოფიცრებს.
სინვარი სამჯერ დააკავეს. 1988 წელს მას უვადო პატიმრობა მიესაჯა, თუმცა, ისრაელმა ისრაელელი ჯარისკაცების სანაცვლოდ გაათავისუფლა.
2015 წელს ამერიკის შეერთებულმა შტატებმა სინვარი "საერთაშორისო ტერორისტების“ სიაში შეიყვანა.