“სი ძინპინი პატივს მცემს, იცის, რომ გიჟი ვარ...“ - დონალდ ტრამპი ვლადიმერ პუტინთან და ჩინეთის პრეზიდენტთან დიალოგის დეტალებს ასაჯაროებს
აშშ-ის პრეზიდენტობის კანდიდატი “რესპუბლიკური პარტიიდან“, დონალდ ტრამპი აცხადებს, რომ თუ თეთრ სახლში დაბრუნდება, ჩინეთი ვერ გაბედავს მის პროვოცირებას, რადგან პრეზიდენტმა სი ძინპინმა იცის, რომ ის "გიჟია".
ტრამპის მტკიცებით, არ მოუწევს სამხედრო ძალის გამოყენება ტაივანის ბლოკადის თავიდან ასაცილებლად.
“პრეზიდენტი სი პატივს მცემს და მან იცის, რომ გიჟი ვარ. მასთან ძალიან ძლიერი ურთიერთობა მქონდა, მართლაც ძალიან კარგი იყო... ",- აღნიშნა ტრამპმა.
აშშ-ის ყოფილმა პრეზიდენტმა რუსეთის პრეზიდენტ ვლადიმერ პუტინზეც ისაუბრა და განაცხადა, რომ მასთან მეგობრული ურთიერთობა ჰქონდა, თუმცა დაემუქრა, რომ თუ უკრაინაში შეიჭრებოდა, მოსკოვის ცენტრს დაარტყამდა.
“ვუთხარი: მოსკოვის შუაგულში დაგარტყამ. ჩვენ მეგობრები ვართ, არ მინდა ამის გაკეთება, მაგრამ არჩევანი არ მაქვს, არანაირი“, - აღნიშნა ტრამპმა.
იხილეთ ასევე: