სამი წელი ჯუნგლებში - როგორ მალავს კაცი სამ შვილს ყველასგან ისე, რომ მათ კვალს ვერავინ მიაგნო: ბოლო დროის ყველაზე იდუმალი ამბავი

ახალი ზელანდიელი მამა, რომელიც სამი წლის წინ, სამ შვილთან ერთად გაუჩინარდა, ბოლო წლების განმავლობაში პირველად საჯაროდ ნახეს.

• ტომ ფილიპსზე ძებნა მას შემდეგ დაიწყო, რაც მან 8 წლის ემბერი, 9 წლის მავერიკი და 11 წლის ჯეიდა 2021 წლის დეკემბერში, ბავშვების დედასთან კამათის შემდეგ წაიყვანა სახლიდან.

კითხვა, რომელიც სამი წელია ახალი ზელანდიის მოსახლეობას აწუხებს, გასულ კვირას, კვლავ აქტუალური გახდა. როგორ იმალება ტომ ფილიპსი სამ შვილთან ერთად ისე, რომ აქამდე პოლიციას არ დაუკავებია.

გასულ კვირას ღორზე მონადირე თინეიჯერების ჯგუფი დაკარგულებს შეხვდა. მათ ტელეფონით ვიდეო გადაუღეს.

• ახალი ზელანდიის მედია წერს, რომ მონადირეები ერთ-ერთ ბავშვს გაესაუბრნენ - ჰკითხეს ვინმემ იცოდა თუ არა, რომ ისინი იქ იყვნენ. მათ უპასუხეს - "მხოლოდ შენ" და გზა განაგრძეს.

მონადირეების აღწერის მიხედვით, მამაკაცი შეიარაღებული იყო, გრძელი წვერი ჰქონდა, ხოლო ხოლო ბავშვებს ნიღბები ეკეთათ და ზურგჩანთები ეკიდათ.

პოლიციის აზრით, გაქცეულ კაცს სხვა ადამიანებიც ეხმარებიან, რომ შვილები დამალული ჰყავდეს.

ფილიპსს შვილებზე მეურვეობის უფლება არ აქვს. ამ დროის განმავლობაში მათ საზოგადოებასთან კონტაქტი არ ჰქონია, თუმცა, ვარაუდობენ, რომ 2023 წლის მაისში, ერთი შვილი მაინც გამოიყვანა ტყიდან, როდესაც ბანკი გაძარცვა. იმავე წლის ნოემბერში, კი პატარა სასურსათო მაღაზიის გაძარცვა სცადა. 2023 წელს კიდევ იყო რამდენიმე შემთხვევა, როდესაც მამა და შვილები შენიშნეს. ივნისში პოლიციამ 80,000 დოლარი ჯილდოც დააწესა ინფორმაციის სანაცვლოდ, თუმცა კვალს ვერ მიაგნეს.

ბოლო შემთხვევა, როდესაც ფილიპსი და მისი შვილები შენიშნეს, ბევრ კითხვას აჩენს, თუ როგორ ახერხებს ის კვლავ გაქცევას ყოფნას და თუ უთმობს პოლიცია ამ საქმეს სათანადო ყურადღებას. უცნობია, როგორ ახერხებს კაცი გადარჩენას.

• გადარჩენა ველურ ბუნებაში

მარუკოპა პატარა დასახლებაა ახალი ზელანდიის დასავლეთ სანაპიროზე. მის გარშემო ათასობით ჰექტარი ტყე, კლდეები, ფერმერების მიწები და კირქვის მღვიმეებია.

ფილიპსის ოჯახს მარუკოპაში დიდ პატივს სცემდნენ. მისი ოჯახის მფლობელობაშია 500-ზე მეტი ჰექტარი მიწა ამ მხარეში. არ არსებობს რაიმე მინიშნება, რომ ფილიპსის ოჯახი მას ეხმარება. კაცის დედამ მედიასთან განაცხადა, რომ 2021 წლის შემდეგ შვილი არ უნახავს და მოუწოდა, ბავშვები სახლში დააბრუნოს.

ის ადამიანები, რომლებიც კარგად იცნობენ ახალი ზელანდიის ტყეს, ამბობენ, რომ ფილიპსს შეუძლია იცხოვროს და გადარჩეს ბალახებით, ველური სტაფილოთი, ხილით და ცხოველების ხორცით, განსაკუთრებით იმ შემთხვევაში, თუ შეძლებს მარაგების პოვნას და თავშესაფრის მოწყობას.

• "ის შეიძლება ამას წლების განმავლობაში გეგმავდა“, - განაცხადა აშ ბადმა, ახალი ზელანდიის გადარჩენის აკადემიის დირექტორმა.

ბავშვების დედა აცხადებას, რომ სისტემა არ მუშაობს და კაცი დიდი ხნის წინ უნდა შეეჩერებინათ.

პოლიციამ მარუკოპას ტერიტორიაზე სამი დღის განმავლობაში ძიება ჩაატარა, თუმცა გაქცეულები ვერ იპოვეს.

ტონი უოლი, ჟურნალისტია, რომელიც ამ საქმეს თვალს იმ დროიდან ადევნებს, როდესაც კაცი შვილებთან ერთად გაუჩინარდა. ყველაფერი 2021 წლის სექტემბერში დაიწყო, როდესაც ფილიპსმა თავისი ავტომობილი დატოვა და შვილებთან ერთად გაუჩინარდა. მაშინ ხელისუფლებამ ძიება დაიწყო, შიშობდნენ, რომ ის და ბავშვები გარდაცვლილები იყვნენ. მას პოლიციის რესურსების გაფლანგვაში დასდეს ბრალი, როდესაც 18 დღის შემდეგ ბავშვებთან ერთად ტყიდან გამოვიდა. 2022 წლის დეკემბერში კაცი ისევ შვილებთან ერთად გაუჩინარდა.

მიუხედავად ამისა, ფილიპსს ადამიანების ნაწილი მხარს უჭერს. ისინი მოითხოვენ, რომ "მარტო დატოვონ“ და აცხადებენ, რომ ის თავის შვილებს ჯანმრთელებად ზრდის.