მარსზე "ადამიანის სახე" გადაიღეს - რა ახსნა აქვთ მეცნიერებს უცნაურ ფოტოებზე
მეცნიერების თქმით, უცნაური გამოსახულება, რომელიც NASA-ს როვერმა Perseverance-მა გადაიღო, ძალიან ჰგავს ადამიანის გახრწნილ და გამომშრალ თავს. ეს კონკრეტული ფოტო 2024 წლის 27 სექტემბერსაა გადაღებული - სწორედ იმ ადგილას, სადაც, მეცნიერების აზრით, ოდესღაც წყალი მოედინებოდა.
Perseverance-ის მისია მარსზე უძველესი ქანების მოძებნაა, რომლებიც მარსის ადრეული ისტორიის შესახებ ინფორმაციის მიწოდებას შეძლებენ.
პარეიდოლია, ანუ მნიშვნელოვანი ფორმებისა და გამოსახულების იდენტიფიკაცია შემთხვევით ობიექტებსა და განლაგებაში, საოცრად გავრცელებულია მარსის სურათებში. პარეიდოლია არის ფსიქოლოგიური ფენომენი, როდესაც გონება რეაგირებს სტიმულზე რაიმე სახის იმ ნაცნობი ნიმუშის (ხმა, გამოსახულება) აღქმით, რომელიც სინამდვილეში არ არსებობს.
ის ერთ დროს მიიჩნეოდა ფსიქოზის სიმპტომად, მაგრამ ის ახლა ცნობილია თითოეული ადამიანისთვის დამახასიათებელ ჩვეულ მოვლენად. პარეიდოლიის ნიმუშები უამრავია. მათი უმეტესობა მოიცავს ნაცნობი სახის, ან ფორმის ნახვას ობიექტებში, რომლებსაც ისინი არ შეიცავენ.
ეს უბრალოდ დამთხვევაა, რომ მარსზე კლდის ჩამონაშალი ადამიანის სახეს მივამსგავსოთ - არ არსებობს არანაირი მტკიცებულება იმისა, რომ წითელ პლანეტაზე ოდესმე სიცოცხლე არსებობდა.
წაიკითხეთ ასევე: