ავსტრალიის მთავრობამ სისხლის სამართლის პასუხისმგებლობის ასაკი 10 წლამდე შეამცირა
ავსტრალიის მთავრობამ სისხლის სამართლის პასუხისმგებლობის ასაკი შეამცირა. ახალი კანონის თანახმად სისხლის სამართლის პასუხისმგებლობის ასაკი 10 წლამდე შემცირდა. მთავრობის განცხადებით, ეს გადაწყვეტილება მნიშვნელოვანია ქვეყანაში არასრულწლოვანთა დანაშაულის მაჩვენებლის შესამცირებლად.
- ახალ კანონს ბევრი მოწინააღმდეგე გამოუჩნდა - მიიჩნევენ, რომ იგი არაპროპორციულად იმოქმედებს აბორიგენულ და ტორეს სრუტის კუნძულებზე მცხოვრებ ბავშვებზე.
ავსტრალიაში ბავშვთა დაკავების მაჩვენებელი სხვა ქვეყნებთან შედარებით 11-ჯერ მაღალია. თითქმის ყველა მათგანი აბორიგენია.
ბევრი მიიჩნევს, რომ კანონმა შეიძლება შეაჩეროს სისხლის სამართლის პასუხისმგებლობის მინიმალური ასაკის ამაღლების იმპულსი სხვა სახელმწიფოებსა და ტერიტორიებზე.
მთავრობის მტკიცებით, ქვეყანაში ახალგაზრდების კრიმინალის მაჩვენებელმა საგრძნობლად იმატა. ამ წელს ძალადობრივი ინციდენტების სერიამ ქალაქ ალის სპრინგსში კომენდანტის საათის დაწესება გამოიწვია.