ჩარლზმა ჰარისა და მეგანს ბრიტანეთში კოტეჯი ჩამოართვა, სანაცვლოდ კი წყვილმა სახლი პორტუგალიაში იყიდა
პრინც ჰარისა და მეგან მარკლს მეფე ჩარლზმა დიდ ბრიტანეთში იმ კოტეჯში ცხოვრება აუკრძალა, სადაც ჰარი სამშობლოში ჩასვლის დროს რჩებოდა ხოლმე. სასექსის ჰერცოგი და ჰერცოგინია ინგლისში სახლის გარეშე დარჩნენ.
"დეილი მეილის" ცნობით, წყვილმა ამის შემდეგ გადაწყვიტა, რომ სახლი პორტუგალიაში შეეძინა.
ისინი არ არიან ბრიტანული სამეფო ოჯახის ერთადერთი წევრები, რომლებსაც პორტუგალიაში აქვთ უძრავი ქონება. ჰარის ბიძაშვილი, პრინცესა იუჯინი და მისი მეუღლე, ჯეკ ბრუკსბენკიც პორტუგალიაში, ლისაბონის სამხრეთ ნაწილში ფლობენ სახლს.
- მეფის გადაწყვეტილება, რომ ჰარისთვის ბრიტანეთში საცხოვრებელი ჩამოერთმია, მისი მემუარების, Spare-ის გამოქვეყნებას მოჰყვა, რომელშიც პრინცმა სამეფო ოჯახის წევრები გააკრიტიკა, მათ შორის დედინაცვალი, დედოფალი კამილა, ისევე, როგორც ძმა და რძალი, უელსის პრინცი და პრინცესა.
Frogmore Cottage სასექსებს დედოფალმა ელისაბედ II-მ 2018 წელს გადასცა, მას შემდეგ, რაც ჰარი და მეგანი დაქორწინდნენ.
სასექსები ამჟამად კალიფორნიაში, მონტესიტოში,19,5-მილიონიან სასახლეში ცხოვრობენ.