ძლიერი აფეთქებისას სამი სახლი დაინგრა: გარდაცვლილია 7 წლის მოზარდი - ფოტოები ინგლისიდან, სადაც ტრაგიკული შემთხვევა მოხდა
ინგლისში ძლიერი აფეთქების შედეგად სამი სახლი დაინგრა, შვიდი წლის ბიჭი გარდაიცვალა, ექვსი ადამიანი კი სხვადასხვა დაზიანებებით საავადმყოფოში გადაიყვანეს.
"მიუხედავად სასწრაფო დახმარების სამსახურის მცდელობისა, ბიჭი შემთხვევის ადგილზე გარდაიცვალა - ეს ნამდვილად დამანგრეველი შედეგია" - განაცხადა დარენ ადამსმა, ნორთუმბრიის პოლიციის ოფიცერმა.
აფეთქების ზუსტი მიზეზი ჯერჯერობით უცნობია. მომხდართან დაკავშირებით მიმდინარეობს გამოძიება. სასწრაფო დახმარების სამსახური ადგილზე რჩება. მიმდებარე ტერიტორიაზე გადაკეტილია გზები.
"ეს არის მასიური შოკი, ამ მხარეში ბევრი ბავშვია, ბევრი ოჯახი ცხოვრობს. ჯერ ძლიერი აფეთქების ხმა გავიგონეთ, შემდეგ კი რაღაცამ გაანათა" - ამბობენ თვითმხილველები.
ნიუკასლის საქალაქო საბჭომ ხალხს სთხოვა, თავი აარიდონ ტერიტორიას.
„მაცხოვრებლების უსაფრთხოება რჩება ჩვენს აბსოლუტურ პრიორიტეტად და ჩვენ ვაგრძელებთ მათ დახმარებას" - ნათქვამია განცხადებაში.