მნიშვნელოვანი ინფორმაცია
20
ივნისიდღის ზოგადი ასტროლოგიური პროგნოზი
პარასკევი, მთვარის ოცდამეოთხე დღე დაიწყება 01:42-ზე, მთვარე ვერძშია – ფიზიკური ძალის ძლიერი ზრდაა. შესანიშნავია საპირისპირო სქესთან კომუნიკაცია. ხელსაყრელია საძირკვლის ჩაყრა, ბიზნესის დაწყება და სახლის მშენებლობის ან რემონტის დაწყება. გაუმკლავდეთ ფულთან დაკავშირებულ საკითხებს. განიხილეთ მიმდინარე საქმეები. კარგია არქივთან მუშაობა. დაასრულეთ მნიშვნელოვანი პროექტები. დაიწყეთ რემონტი. იყიდეთ უძრავი ქონება. კარგია გამოფენების, სპექტაკლების, კონცერტების, შემოქმედებითი საღამოების გამართვა. ისწავლეთ, აიმაღლე კვალიფიკაცია. საკვები უნდა იყოს მრავალფეროვანი და ნოყიერი. არ არის მიზანშეწონილი შიმშილი. კარგია ვარჯიში და იოგა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ მოვიქცეთ, თუ რომელიმე პარტიისთვის ხმის მიცემას გვაძალებენ? - "თქვენი ხმა არის ფარული და ვერავინ ვერასდროს გაიგებს, კაბინაში ყოფნის დროს ვის მიეცით ხმა"
15:12 / 16-10-2024
- ფოტო: electionsportal.ge
2024 წლის საპარლამენტო არჩევნებამდე, რომელიც 26 ოქტომბერს გაიმართება, სულ ცოტა დრო რჩება.
საქართველოს პარლამენტში - ქვეყნის უმაღლეს წარმომადგენლობით ორგანოში მოსახვედრად 19 საარჩევნო სუბიექტი იბრძოლებს. პარტიებმა და ოპოზიციური კოალიციების ნაწილმა საარჩევნო სია და პროგრამა უკვე წარმოადგინა.
არჩევნების მოახლოებასთან ერთად, ქვეყანაში პოლიტიკური დუღილის ტემპერატურა მაღლა იწევს. მიუხედავად იმისა, რომ თითოეულმა ამომრჩეველმა თავად უნდა გადაწყვიტოს, რომელ პარტიას უჭერს ხმას, არის ზეწოლის შემთხვევებიც. სამწუხაროდ, ქვეყანაში საკმაოდ ნეგატიური გამოცდილება გვაქვს იმის, როდესაც პოლიტიკური პარტიები ხმების მოსაპოვებლად არაკანონიერ გზებსაც არ ერიდებიან. მით უფრო მმართველი პარტიები სხვადასხვა ხელისუფლების პირობებში, როგორც ადმინისტრაციული რესურსის გამოყენებას, ასევე საჯარო სამსახურებში დასაქმებული ადამიანების იძულებასაც ცდილობდნენ ხოლმე. იყო შემთხვევები, როდესაც მოქალაქეებს სთხოვდნენ საარჩევნო კაბინაში, პარტიის მონიშვნის შემდეგ, ბიულეტენისთვის ფოტოს გადაღებას, რაც იურისტების თქმით, არის კანონდარღვევა და ასეთ უკანონო მოთხოვნას არ უნდა დავემორჩილოთ.
- როგორ მოვიქცეთ, თუ რომელიმე პარტიისთვის ხმის მიცემას გვაძალებენ? - ამ აქტუალურ კითხვას “საერთაშორისო გამჭვირვალობა - საქართველოს“ იურისტი/ ანალიტიკოსი და პროექტების კოორდინატორი, თამთა კახიძე პასუხობს.
როგორც თამთა AMBEBI.GE - თან აცხადებს, არსებობს არაერთი ბერკეტი იმისა, რომ მოქალაქემ ზეწოლისგან თავი დაიცვას.
ასეთი ფაქტების გამოაშკარავებას და ადრეულ დონეზე აღკვეთას კი ძალიან დიდი მნიშვნელობა აქვს, რადგან საბოლოოდ არჩევნების შედეგები, როგორც საერთაშორისო, ისე ლოკალურ დონეზე წყვეტს ქვეყნის ბედს.
საბოლოო შედეგი კი ჩვენს ყოველდღიურობას განსაზღვრავს.
თამთა კახიძე:
"არჩევნებისას ზეწოლისგან თავის დაცვის რამდენიმე გზა არსებობს. უპირველესად დავიწყებ იმით, რომ თითოეულმა მოქალაქემ უნდა იცოდეს, რომ ეს არის სისხლის სამართლის დანაშაული და თუ ამგვარი ფაქტი ხდება, ადამიანს შეუძლია სამართალდამცავ უწყებებს შეატყობინოს... გარდა ამისა, მას შეუძლია არ გაითვალისწინოს უკანონო მოთხოვნა! გახსოვდეთ, თქვენი ხმა არის ფარული და ვერავინ ვერასდროს გაიგებს, სინამდვილეში, კაბინაში ყოფნის დროს ვის მისცა ამომრჩეველმა ხმა. ამგვარად, ნებისმიერ შემთხვევაში შეუძლია არ დაემორჩილოს არანაირ ზეწოლას!
ეს არის გამოსავალი და პირველი რეაგირების მექანიზმი.
ამომრჩეველს შეუძლია ჩვენც შეგვატყობინოს. იმიტომ, რომ ჩვენთვის ძალიან მნიშვნელოვანია ასეთ დარღვევებზე მოხდეს შესაბამისი რეაგირება".
კიდევ ერთი შეკითხვაა, თუ საარჩევნო უბანზე დარღვევა შევამჩნიეთ, რა ვქნათ?
იურისტის განმარტებით, ასეთ დროს შინდისფერბეჯიან დამკვირვებლებთან მიდიხართ და უყვებით, რაც ნახეთ. თუ ამ კონკრეტულ დარღვევაზე საჩივარი დაიწერება, შეგიძლიათ მოწმეც იყოთ. ეს საშიში არანაირად არ არის, ამით გამოიჩენთ მოქალაქეობრივ პასუხისმგებლობას და დაადასტურებთ, რომ დარღვევა დაინახეთ. თუ დამკვირვებელს ვერ იპოვით, შეგიძლიათ რომელიმე პარტიის წარმომადგენელსაც მიმართოთ.
26 ოქტომბრის არჩევნებზე კენჭს იყრიან შემდეგი პოლიტიკური პარტიები და კოალიციები:
3. “საქართველოს ერთობისა და განვითარების პარტია“
4. “კოალიცია ცვლილებისთვის გვარამია მელია გირჩი დროა“
5. “ერთიანობა-ნაციონალური მოძრაობა“
6. “ევროპელი დემოკრატები"
8. “საქართველოს პატრიოტთა ალიანსი“
9. ძლიერი საქართველო-ლელო, ხალხისთვის, თავისუფლებისთვის!
10. საქართველოს ლეიბორისტული პარტია
12. “ჩვენი გაერთიანებული საქართველო“
13. საქართველოს სოციალ-დემოკრატიული პარტია
16. “შეცვალე საქართველო“
17. “საქართველო“
20. თავისუფალი საქართველო
21. ტრიბუნა
23. “ჩვენ“
25. “გახარია საქართველოსთვის“
26. “მემარცხენე ალიანსი“
27. ქართველ ერთობა
36. “გირჩი“
41. ქართული ოცნება - დემოკრატიული საქართველო
შეგახსენებთ, რომ 26 ოქტომბერს ამომრჩევლები ოთხი წლის ვადით საქართველოს პარლამენტის 150 დეპუტატს პროპორციული საარჩევნო სისტემის საფუძველზე აირჩევენ. საქართველოს პარლამენტის წევრთა მანდატები განაწილდება იმ პოლიტიკურ პარტიებზე, რომლებიც არჩევნებში მონაწილე ამომრჩეველთა ნამდვილი ხმების 5 პროცენტს მაინც მიიღებენ.
- საარჩევნო ხმის უფლება აქვს საქართველოს ყველა მოქალაქეს, რომელსაც არჩევნების/რეფერენდუმის/პლებისციტის დღემდე შეუსრულდა ან იმ დღეს უსრულდება 18 წელი და რომელიც აკმაყოფილებს საარჩევნო კოდექსით დადგენილ პირობებს.
არჩევნებში, რეფერენდუმსა და პლებისციტში მონაწილეობის უფლება არა აქვს საქართველოს მოქალაქეს, რომელიც სასამართლოს განაჩენით განსაკუთრებით მძიმე დანაშაულისთვის იმყოფება სასჯელის აღსრულების დაწესებულებაში ან სასამართლოს გადაწყვეტილებით ცნობილია მხარდაჭერის მიმღებად და მოთავსებულია შესაბამის სტაციონარულ სამედიცინო დაწესებულებაში.
საარჩევნო უბნები მთელი ქვეყნის მასშტაბით დღის 08:00 საათზე გაიხსნება და ხმის მიცემა 20:00 საათზე დასრულდება.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება იმ მამაკაცის დაკავების კადრები, რომელმაც სიმამრი მოკლა, სიდედრი კი სცემა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
