4 პროცედურა, რომელიც ჯანსაღი კბილების შენარჩუნებაში დაგეხმარებათ

პირის ღრუს ჯანმრთელობა პირდაპირ ზეგავლენას ახდენს ადამიანის ცხოვრების ხარისხზე. გარდა იმისა, რომ ჯანსაღი კბილები თავდაჯერებულობას გვმატებს, მნიშვნელოვან როლს ასრულებს საჭმლის მომნელებელი სისტემისა და ზოგადად, ჯანმრთელობის შენარჩუნებაში.

ყველამ ზედმიწევნით ვიცით, რომ კბილების დილა-საღამოს გახეხვა, ძაფისა და კბილთაშორისი ჯაგრისების გამოყენება, სავლებისა და ირიგატორის მოხმარება ყოველდღიური რუტინის ნაწილი უნდა იყოს, თუმცა შეიძლება, კარიესი მაინც განვითარდეს. სწორედ ამიტომ, რა დამატებით პროცედურებს უნდა მივმართოთ ჯანმრთელი კბილებისა და ღრძილების ხანგრძლივად შესანარჩუნებლად?

„რიხტერის კლინიკის“ სტომატოლოგები, რომლებიც პირის ღრუს მოვლისა და მკურნალობის უახლეს მეთოდებს იყენებენ, გვირჩევენ, რომ მთავარი აქცენტი გავაკეთოთ პრევენციაზე, რაც გართულებებსა და კბილების დაკარგვას აგვარიდებს თავიდან.

„რიხტერის კლინიკის“ გუნდი

პრევენციის ნაწილი კი ყოველდღიურ რუტინასთან ერთად, შემდეგი 4 პროცედურა უნდა იყოს:

1. რეგულარული ვიზიტი სტომატოლოგთან

მიუხედავად იმისა, გვაწუხებს თუ არა კარიესი ან სხვა პრობლემა, სტომატოლოგთან 6 თვეში ერთხელ ვიზიტი და პროფესიონალური წმენდა სამომავლო გართულებებს აგვარიდებს თავიდან. ამასთან, ექიმმა შეიძლება აღმოაჩინოს ჩვენთვის უხილავი ანომალიები, მაგალითად, პაროდონტიტი და სხვა დაავადებები.

პერიოდული სტომატოლოგიური გამოკვლევა „რიხტერის კლინიკაში“ ტარდება სპეციალური დიაგნოსტიკური აპარატებით (ორალკამერა, კარიესის დეტექტორი - SOPRO®care და ციფრული რენტგენოლოგიის აპარატი - ACTEON X-mind UNITY), რაც ყველაზე მცირე პრობლემების გამოვლენის საშუალებას იძლევა.

ამასთან, კლინიკაში გამოიყენება PLANMECA 3D კომპიუტერული ტომოგრაფი, რომელიც ზუსტ ინფორმაციას იძლევა კბილების, ღრძილებისა და ძვლოვანი სტრუქტურის შესახებ. აღნიშნული მიდგომა ექიმს საშუალებას აძლევს, ზუსტად შეაფასოს მდგომარეობა და შეარჩიოს საჭირო მკურნალობა.

რაც შეეხება ბავშვებს, სტომატოლოგთან ვიზიტი რეკომენდებულია პირველი კბილის ამოსვლისთანავე, ანუ დაახლოებით 1 წლის ასაკიდან. შემდგომი ვიზიტები კი სასურველია განხორციელდეს 6 თვეში ერთხელ, რათა საჭიროების შემთხვევაში დროულად აღმოიფხვრას პრობლემები და დაინიშნოს სათანადო მკურნალობა.

2. კბილის საღეჭი ზედაპირების ჩაბეჭდვა

კბილის საღეჭი ზედაპირების ჩაბეჭდვა (სილანტები) გამოიყენება კარიესის წარმოქმნის რისკის ზონებში, სადაც მინანქარი ნაკლებად მინერალიზებულია. პროცედურა ხორციელდება სპეციალური მასალით, სილანტებით. განსაკუთრებით რეკომენდებულია ბავშვებისთვის მუდმივი კბილების ამოჭრის შემდეგ.

სილანტების პროცედურა ტარდება ბიოინერტული, ფოტოპოლიმერული მასალებით, რომლებიც კბილთაშუა ღრმულებს ნადებისა და ბაქტერიებისგან იცავს. მასალა უშუალოდ თავსდება კბილების ზედაპირის ღრმა ნაჭდევებზე და ფოტოდინამიკური ტექნოლოგიის მეშვეობით მყარდება რამდენიმე წამში.

მკურნალობის აღნიშნული მეთოდი სრულიად უსაფრთხო და სწრაფია და დიდ როლს ასრულებს დაზიანებული კბილების შენარჩუნებაში.

3. ღრძილების დაავადებების პროფილაქტიკა

ღრძილების ჯანმრთელობა ჯანსაღი კბილების შენარჩუნებაში გვეხმარება. სწორედ ამიტომ სტომატოლოგთან პერიოდული ვიზიტისას ფასდება არსებული ვითარება და საჭიროებისამებრ ინიშნება პაროდონტოლოგიური მკურნალობა, რაც შეიძლება იყოს როგორც მოვლის საშუალებები, ისე პროცედურები.

„რიხტერის კლინიკაში“ განმარტავენ, რომ პაროდონტის მკურნალობისთვის აუცილებელია პროფესიონალური წმენდის ჩატარება, რაც შვეიცარიული GBT პროტოკოლით ხორციელდება და ღრძილებისთვის ტრავმული არ არის.

კონსულტაციისას სტომატოლოგი ზედმიწევნით კრებს ანამნეზს, ამოწმებს ღრძილის მდგომარეობას, პაროდონტალური ჯიბეების, ღრძილზედა და ღრძილქვეშა ნადების არსებობას და შესაბამისად ნიშნავს პროცედურებს. ამასთან, ექიმი პაციენტს ასწავლის კბილების სწორად გახეხვის ტექნიკასა და ინდივიდუალურად ურჩევს ჰიგიენის საშუალებებს. მდგომარეობის შეფასების შემდეგ ექიმი განსაზღვრავს ვიზიტის დროსაც, რომელიც შეიძლება იყოს 3,4 ან 6-თვიანი შუალედის შემდეგ.

უნდა გავითვალისწინოთ, რომ საპრევენციო ღონისძიებები განსაკუთრებით მნიშვნელოვანია მაშინ, როცა ანამნეზში პაროდონტული დაავადებები გვაქვს.

4. კბილების პროფესიონალური წმენდა თანამედროვე მიდგომებით

„რიხტერის კლინიკაში“ გამოიყენება პროფესიონალური წმენდის თანამედროვე მეთოდები, რომელიც უახლესი აპარატურით, კერძოდ, ულტრაბგერითი სკალერით ტარდება (ACTEON Newtron®). აღნიშნული აპარატები მინიმუმამდე ამცირებს დისკომფორტს და არ აზიანებს კბილის მინანქარს. ის ეფექტურად აშორებს ქვებს არა მარტო ზედაპირიდან, არამედ ღრძილქვეშა მიდამოდანაც. პროცედურა მთავრდება კბილების პოლირებით AIR-N-GO® EASY, უზრუნველყოფს მინანქრის სიგლუვესა და ბზინვარებას, ამავდროულად ხელს უშლის ნადების განმეორებით დაგროვებას.

კბილების წმენდა აუცილებელი პროცედურაა სხვა სტომატოლოგიური მანიპულაციების ჩატარების წინ, რათა კბილების დაბჟენის ან არხების მკურნალობის დროსაც კი მინიმალურამდე შემცირდეს სამუშაო არეს ბაქტერიებით დაბინძურება. ეს კი თავის მხრივ, წარმატებული რესტავრაციებისა და ენდო მკურნალობის, ასევე კბილების ამოღების, იმპლანტაციის, ორთოპედიული სამუშაოების უნაკლოდ შესრულების საშუალებას იძლევა.

„რიხტერის კლინიკაში“ განმარტავენ, რომ პაციენტები ხშირად იგნორირებას უკეთებენ ვინირებითა და ხელოვნური გვირგვინებით დაფარული კბილების ან იმპლანტების პროფესიონალურ მოვლას, რაც შემდგომში ბევრ გართულებას იწვევს. როგორც ექიმები აღნიშნავენ, ამ დროს აუცილებელია სისტემატური პროფესიონალური მოვლა, რათა იმპლანტირებული ან რესტავრირებული კბილები არ დაზიანდეს.

მოვლის აღნიშნული მეთოდების გამოყენება აუცილებელია კბილების ბრეკეტებით გასწორების დროსაც. სტომატოლოგების განმარტებით, ამ დროს სახლის პირობებში სათანადო ჰიგიენის შენარჩუნება ვერ ხერხდება, GBT პროტოკოლით ჩატარებული პროფესიონალური წმენდა კი თავიდან აგვაცილებს კარიესის წარმოქმნასა და ღრძილების ანთებას.

კბილების მოვლის სწორი ტექნიკისა და პროფესიონალური მოვლის შესახებ დამატებით რეკომენდაციებს გაგიზიარებთ „რიხტერის კლინიკის“ ჰიგიენისტი – ლელა ნემსაძე.

კლინიკას შეგიძლიათ ეწვიოთ მისამართზე: ქ.თბილისი, ბელიაშვილის 68ა, ტელ:+511 11 11 42.

R