29
მარტიდღის ზოგადი ასტროლოგიური პროგნოზი
რუსეთში გადაარჩინეს მამაკაცი, რომელიც ზღვაში 67 დღე დაკარგული იყო. 45 წლის მიხეილ პიჩუგინი მეთევზეებმა ოხოტის ზღვაში, გასაბერ ნავში იპოვეს. მის გვერდით კი ორი ცხედარი იპოვეს.
გარდაცვლილები პიჩუგინის უფროსი ძმა და ძმისშვილი არიან.
ოჯახი ვეშაპებზე დაკვირვებას აპირებდა და ექსპედიციაში 9 აგვისტოს გაემგზავრა - მათ თან ჰქონდათ თბილი ტანსაცმელი, სამაშველო ჟილეტები, ცეცხლსასროლი იარაღი, საკვების მცირე მარაგი და 20 ლიტრი სასმელი წყალი.
- რუსი მაშველები სამეულს უშედეგოდ ეძებდნენ. ერთი თვის შემდეგ კი მათი ძებნა შეწყვიტეს კიდეც. თუმცა მიხეილი სოფელ უსტ-ხაირიუზოვოდან დაახლოებით 14 მილის მოშორებით მეთევზეებმა იპოვეს.
ჯერჯერობით უცნობია, როგორ მოახერხა მან გადარჩენა ამდენი ხნის განმავლობაში. ოჯახის წევრების ინფორმაციით, მამაკაცმა 50 კილო დაიკლო.
"ეს შემთხვევა ნამდვილი სასწაულია. გასაოცარია, რომ ოხოტის ზღვის ტალღებში პატარა ნავი არ გადატრიალდა. მიხეილი ნამდვილად ძლიერი ადამიანია. სხვა შემთხვევაში, ასეთ პირობებში გადარჩენას ვერ მოახერხებდა", - განაცხადა დიმიტრი ლისიცინმა, Sakhalin Environment Watch-ის ხელმძღვანელმა.
რომ დაიბადა,ალბათ ქუდბედი მოჰყვა თან.ზოგი ასეთ ბედნიერ ვარსკვლავზე იბადება.ნეტა ისინიც გადარჩენილიყვნენ.მაგრამ ყველას არ ააქვს ასეთი ბედი.