ჩინეთში, "საჭმლის ფულის" გამოსამუშავებლად, შინაურ ცხოველებს კაფეებში ასაქმებენ - ყველაფერი უცნაური ტენდენციის შესახებ

ჯეინ ქსუემ თავისი ძაღლი, 2 წლის სამოედი, სახელად OK, სამუშაოზე სექტემბრის შუა რიცხვებში გაგზავნა. მისი დამსაქმებელი სამხრეთ-აღმოსავლეთ ჩინეთში მდებარე ძაღლების კაფე “ფუჟოუშია“.

“თავს ისე ვგრძნობ, როგორც მშობლები, რომლებიც შვილებს სკოლაში აგზავნიან“, - განუცხადა 27 წლის დოქტორანტმა CNN-ს.

ჯეინს სურდა, რომ მის ძაღლს "განსხვავებული ცხოვრება გამოეცადა“, რადგან ის და მისი პარტნიორი გარეთ სეირნობას მხოლოდ შაბათ-კვირას ახერხებენ.

"OK-ის კაფეში გაგზავნა მომგებიანია. ის ახერხებს სხვა ძაღლებთან თამაშს და თავს ასე მარტოდ არ იგრძნობს“, - თქვა მან.

შინაური ცხოველების კაფეები ჩინეთში დიდი ბიზნესია. ვიზიტორებს შეუძლიათ დაუკავშირდნენ ცხოველებს, რომლებიც დადიან მაღაზიაში. მათ შეუძლიათ ვიზიტორებს მიუტანონ ფინჯანი ყავა და შეასრულონ სხვა სამუშაოები.

• კატებისა და ძაღლების კაფეებში შესვლის საფასური ადამიანზე 30-დან 60 იუანამდე მერყეობს (4-8,5 აშშ დოლარი).

გარდა იმისა, რომ თავისი “საკვების ფულს“ გამოიმუშავებს, ქსიუს თქმით, OK-ის დასაქმება კაფეში, მას ხარჯებს უზოგავს.

მზარდი ტენდენციას ჩინეთში "ჟენგმაოტიაოკიანს" უწოდებენ და ითარგმნება როგორც "საჭმლის ფულის შოვნა".

ფრაზა მომდინარეობს იმ იდეიდან, რომ შინაური ცხოველები რეალურად მუშაობენ - ნახევარ განაკვეთზე ან სრულ განაკვეთზე. კატები და ძაღლები საღამოს სახლში ბრუნდებიან, ისევე როგორც ადამიანები.