"იმედი მაქვს, ჯანმრთელი ვიქნები და ეცოდინება, თუ როგორია მამამისი“ - 84 წლის ალ პაჩინო ერთი წლის შვილზე საუბრობს და ამბობს, რომ ბავშვის დედასთან აღარ ცხოვრობს
ყველა დროის ერთ-ერთმა ყველაზე დიდმა კინოვარსკვლავმა, ალ პაჩინომ ბევერლი ჰილზის სასტუმროს ლუქსში ავტობიოგრაფიული წიგნი "Sonny Boy" წარადგინა, ზუსტად იმ სახელით, როგორც მას ბავშვობაში დედა ეძახდა.
84 წლის ვარსკვლავის თქმით, მიზეზი, რის გამოც სურდა, რომ თავისი ცხოვრება ქაღალდზე გადაეტანა, გასულ წელს მომხდარი უმნიშვნელოვანესი სიახლეა - ალ პაჩინო მეოთხედ გახდა მამა. მისი ვაჟი, რომენი ახლა 16 თვისაა და ყველაფერი ჯერ კიდევ წინ აქვს.
- “წიგნი არის იმის გარანტია, რომ ბავშვს ექნება შესაძლებლობა გაეცნოს მამის ისტორიას. მინდა ვიყო ამ ბავშვის გვერდით და იმედი მაქვს, რომ ასე იქნება. იმედი მაქვს, ჯანმრთელი ვიქნები და მას ეცოდინება, თუ ვინ არის, როგორია მამამისი“, - ამბობს ვარსკვლავი.
მსახიობი, რომელიც არასოდეს ყოფილა ოფიციალურ ქორწინებაში, პატარა რომანის დედასთან, კინოპროდიუსერ ნურ ალფალასთან ერთად აღარ ცხოვრობს. თუმცა, მისი თქმით, ჩართულია ბავშვის ცხოვრებაში და ონლაინ ყოველდღიურად ურთიერთობენ.
”ის დროდადრო მიმესიჯებს. ყველაფერი, რასაც ის აკეთებს, ჩემთვის საინტერესოა. ჩვენ ვსაუბრობთ. მასთან ერთად ვუკრავ ჰარმონიკას და ასეთი კონტაქტი დავამყარეთ - ეს სახალისოა", - ამბობს ალ პაჩინო.
იხილეთ ასევე: