მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
იაფი ძალა, რომელიც საბჭოთა სტანდარტებით შეიქმნა - იბრძვიან თუ არა ჩრდილოეთ კორეელი ჯარისკაცები უკრაინაში და როგორ შეუძლიათ დაეხმარონ რუსეთის არმიას?
12:20 / 15-10-2024
ბოლო დროს, არაერთი ინფორმაცია გავრცელდა, რომ ჩრდილოეთ კორეამ ჯარისკაცები უკრაინაში რუსეთის არმიის დასახმარებლად გაგზავნა. ოფიციალური წყაროები ამ საკითხზე დუმილს ინარჩუნებენ.
- ჯერ კიდევ 2023 წლის 3 ოქტომბერს, უკრაინის სამხედრო ძალების სარაკეტო იერიშის შედეგად, დონბასში, პოლიგონზე ექვსი ჩრდილოეთ კორეის ოფიცერი დაიღუპა და სამი დაიჭრა. ინფორმაცია პირველად უკრაინული მედიის საშუალებით გავრცელდა, თუმცა რუსული მხარე მომხდარს დღემდე არ ადასტურებს.
პრეზიდენტი პუტინი 2024 წლის ივნისში ჩრდილოეთ კორეის ლიდერს, კიმ ჩენ ინს შეხვდა. ლიდერებმა ხელი მოაწერეს შეთანხმებას სამხედრო თანამშრომლობის შესახებ, რამაც კიდევ უფრო გაზარდა ალბათობა, რომ ჩრდილოეთ კორეის ჯარისკაცები უკრაინაში საომარი მოქმედებებში მონაწილეობდნენ.
უკრაინა რუსულ არმიაში ჩრდილოეთ კორეის სამხედროების გამოჩენის შესახებ, სულ უფრო ხშირად საუბრობს. ინფორმაციას ადასტურებენ ადგილობრივი დაზვერვის წყაროები.
ბრიტანეთის და ამერიკის დაზვერვის მიერ გავრცელებული ცნობებით, ჩრდილოეთ კორეა რუსეთს სამხედრო მასალას მიაწვდის. რუსეთის პრეს-მდივანმა დიმიტრი პესკოვმა, საპასუხოდ, თქვა, რომ ბრიტანული და ამერიკული დაზვერვა ამას მტკიცებულებების გარეშე აცხადებს.
ჩრდილოეთ კორეა, თავისი არმიის მსგავსად, მაქსიმალურად დახურული სტრუქტურაა. მთავარი, რაც მას გამოარჩევს, არის რაოდენობა. ქვეყანაში მოქმედებს საერთო სამხედრო სამსახური, მათ შორის ქალებისთვისაც, და სავალდებულო სამსახურის ვადა 3-10 წლამდეა.
2018 წლის მონაცემებით, ჩრდილოეთ კორეის შეიარაღებული ძალები მსოფლიოში მეოთხე ადგილზე იყო, სადაც დაახლოებით 1,2 მილიონი ადამიანი მსახურობდა. თუმცა, რუსეთის სტრატეგიული კვლევების ინსტიტუტის ექსპერტი, ანდრეი გუბინი აღნიშნავს, რომ ამჟამად, შესაძლოა, მათი რაოდენობა 850 ათასამდე იყოს, ხოლო საბრძოლო დანაყოფებში მსახურობდეს 650 ათასი სამხედრო.
ჩრდილოეთ კორეის მთავრობამ, რომელიც სანქციების ქვეშაა და ბიუჯეტის შევსებაზეა დამოკიდებული, შესაძლოა, მართლაც გაგზავნოს თავისი სამხედროების თუნდაც მცირე ნაწილი რუსეთში.
თუმცა, სიტუაცია კიდევ უფრო რთულადაა, ვიდრე ეს თავდაპირველად ჩანდა.
ჩრდილოეთ კორეის არმია საბჭოთა სტანდარტების მიხედვით არის შექმნილი და საბჭოთა სამხედრო ტექნოლოგიებს იყენებს, თუმცა რუსეთისგან განსხვავებით, არ აქვს რეალური საბრძოლო გამოცდილება.
შეუძლებელი იქნება ფხენიანის მონაწილეობა რუსულ სამხედრო კამპანიაში დაიმალოს. დაღუპული და ტყვედ აყვანილ ჩრდილოეთ კორეელ სამხედროებს, უკრაინული მხარე აუცილებლად გამოაჩენს, რამაც შესაძლოა, დააზარალოს ჩრდილოეთ კორეის მთავრობის მიერ დახატული სურათი მათი შეიარაღებული ძალების დაუმარცხებლობის შესახებ.
დასავლური მედიასაშუალებების მიხედვით, ჩრდილოეთ კორეის ხელმძღვანელობისთვის არსებობს რისკი, კონტროლის დაკარგოს საკუთარ სამხედროებზე.
რეალურად კი ფხენიანს სჭირდება ფინანსები და ტექნოლოგიები, მოსკოვს კი – ჯარისკაცები და საბრძოლო მასალა. ორივე მხარე დაინტერესებულია სამხედრო თანამშრომლობის განვითარებით.
ჩრდილოეთ კორეის არმია მრავალი წლის განმავლობაში მსახურობდა როგორც იაფი ძალა; მრავალი მისი ქვედანაყოფი საბჭოთა სტრუქტურების ანალოგი იყო. სამხედრო ექსპერტები დადებითად აფასებენ ჩრდილოეთ კორეის საინჟინრო- მშენებლობით ნაწილების მიერ ქვეყანაში შექმნილი თავდაცვითი ნაგებობების ხარისხს.
სამხედრო მშენებლობის ასეთი ქვედანაყოფები შესაძლოა მოსკოვის არმიისთვის სასარგებლო იყოს. ისინი შესაძლოა განთავსდნენ უკანა ხაზში და უზრუნველყონ სამხედრო ინფრასტრუქტურა, როგორიცაა მიწისქვეშა საწყობები, ნაგებობები, გზების და ხიდების მშენებლობა.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მადლობის ნიშნად მერე რუსები ბიჭვინთაში და თამარაშენში დაასახლებენ. გადმოსახლებისას გზაში თან ჩრდილო კავკასიელები ლეზგინკასაც ასწავლიან. მერე თბილისში რო ჩამოვლენ ტურისტად. სადაც ფაქ რაშას წაიკითხავენ, გადაშლიან, ზედ რუსულ ტრიქოკორს მიახატავენ, და ფაფახით დააჯდებიან. გაიხარებს დავით აღმაშენებელი საფლავში. აი, ვისთვის და რისთვის ვიბრძოდიო.
მიზეზი დაასახელეთ, რატომ არ უნდა დაეხმარონ? მითუმეტეს უკრაინის მხარეს ათასი რჯულის სამხედრო იბრძვის.