"ტრაგედია წუხელ მოხდა... გამორჩეული ქართველი დავკარგეთ" - რას წერენ ალექსი პეტრიაშვილის ტრაგიკულად დაღუპულ შვილზე?
ტრაგედია დატრიალდა ყოფილი მინისტრის, "დროას“ წევრის ალექსი პეტრიაშვილის ოჯახში. მისი ვაჟი უბედური შემთხვევის შედეგად დაიღუპა.
როგორც ჩვენთვის გახდა ცნობილი, შოთიკო პეტრიაშვილი აივნიდან გადმოვარდა. მისი გადარჩენა ვერ მოხერხდა. ტრაგედია წუხელ მოხდა.
ალექსი პეტრიაშვილს სამი შვილი ჰყავს, ორი ქალიშვილი და ერთი ვაჟი.
შოთიკო ბოლო დროს მამასთან ერთად აქციების დროს ჩნდებოდა. მან სკოლა გასულ წელს დაამთავრა და კავკასიის უნივერსიტეტის სტუდენტი გახდა.
ყოფილი მინისტრის ოჯახში დატრიალებულ ტრაგედიას უამრავი ადამიანი ეხმაურება. წერენ, რომ შოთიკო პეტრიაშვილის სახით, ქვეყანამ გამორჩეული ახალგაზრდა დაკარგა.
"აქ სიტყვა უძლურია, გამორჩეული ქართველი და კავკასიის უნივერსიტეტის სტუდენტი დავკარგეთ- შოთიკო სრულად გამანადგურე….
"მუდამ მემახსოვრება პატარა ბიჭის ღიმილიანი სახე, რომელიც სიკეთეს, სიყვარულს ასხივებდა და ეს პატარა ბიჭი იყო შოთიკო პეტრიაშვილი..."
"გული გამიჩერდა, ეს რა ტრაგედია დატრიალდა, კიდევ ერთი უმაგრესი ბიჭი დაკარგა მშობლებმა, მეგობრებმა და ქვეყანამ. რა უნდა უთხრა მშობლებს, რომ არ იცი"
"სამძიმარი როგორ უნდა ვთქვა არც ვიცი... რა უნდა გითხრათ ქეთი და ბუკა, არც ეგ ვიცი... ისიც არ ვიცი, ჩემი შვილის თვალებში ჩაგუბებული ცრემლის პასუხი რაა... არც ვინმემ იცის, შენს პირველ კლასელებს როგორ ატკინე გული... მარტო ის ვიცი, ძალიან თბილი, ტკბილი და ვარსკვლავით მოციმციმე ღიმილი ჩაქრა დედამიწაზე. შოთიკო, როგორ გვტკივა უშენობა, შვილო, როგორი წარმოუდგენელია, რომ დედამიწას შენი ღიმილი აღარ ათბობს".
- AMBEBI.GE მწუხარებას გამოთქვამს მომხდარი ტრაგედიის გამო და უსამძიმრებს ალექსი პეტრიაშვილის ოჯახს