"83-ე წუთზე კუნთის სპაზმი დაემართა, ძლივს წამოდგა ფეხზე... 15 წუთი ამ მდგომარეობაში ითამაშა" - GEO TEAM ოთარ კიტეიშვილზე

"83-ე წუთზე კუნთის სპაზმი დაემართა, ძლივს წამოდგა ფეხზე და როცა გაიაზრა, რომ საქართველოს ნაკრებს ცვლილება აღარ ჰქონდა დარჩენილი, დაახლოებით 15 წუთი ამ მდგომარეობაში ითამაშა…" - წერს GEO Team ეროვნული ნაკრების ფეხბურთელზე ოთარ კიტეიშვილზე.

უეფა-ს ერთა ლიგის ჯგუფური ეტაპის გასვლით შეხვედრაში საქართველოს ეროვნული საფეხბურთო ნაკრები უკრაინის ნაკრებს დაუპირისპირდა და ანგარიშით 1-0 დამთავრდა. მატჩის ერთადერთი გოლი 35-ე წუთზე მეტოქე გუნდის ფეხბურთელმა, მიხაილო მუდრიკმა გაიტანა.

ქართველებს თამაშში არაერთი შანსი ჰქონდათ, თუმცა სამწუხაროდ, ვერ გამოიყენეს. ჩვენებმა მატჩის მიწურულს გოლი გაიტანეს, თუმცა თამაშგარე მდგომარეობის გამო არ ჩაითვალა. მატჩი დაძაბული იყო და გარდამავალი უპირატესობით მიმდინარეობდა.

აღსანიშნავია, რომ თამაშის საწყის წუთებზე მოედნის ზოგიერთ ნაწილში შუქი ჩაქრა, რის გამოც რამდენიმე წუთით მატჩი შეჩერებული იყო.

წაიკითხეთ ასევე:

• "ვერ ვიტყვი, რომ ეს ფეხბურთი იყო , რადგან ამ სტადიონზე ფეხბურთის თამაში შეუძლებელია" - რა თქვეს ქართველმა ფეხბურთელებმა მატჩის შემდეგ?
• "კვარაცხელიას უკან დახევა უწევდა... რატომ ვიკამათე ქართველებთან?" - რა თქვეს მატჩის შემდეგ მწვრთნელებმა და როგორი შეფასებები მიიღეს საქართველოს ნაკრების ფეხბურთელებმა?