"კოშმარული სცენარის" ბედნიერი დასასრული - როგორ გადაარჩინეს "მილტონის" მიერ გატაცებული კაცი, რომელიც ოკეანეში მოტივტივე მაცივრის იმედად იყო
ქარიშხალ "მილტონის" მიერ ოკეანეში გატაცებული კაცი, რომელიც ღია სივრცეში იმყოფებოდა და თავის გადარჩენის არანაირი საშუალება არ ჰქონდა, სანაპიროს დაცვამ გადაარჩინა.
კაცი რამდენიმე საათის განმავლობაში ოკეანეში მოტივტივე მაცივარს ეჭიდებოდა, რომელიც ქარიშხალმა წყალში მოისროლა. გადარჩენის ოპერაცია საბედნიეროდ კარგად დასრულდა.
”ეს ადამიანი გადარჩა. ეს არის “კოშმარული სცენარი“ ყველაზე გამოცდილი მეზღვაურისთვისაც კი. ქარიშხლის სიმძიმის გათვალისწინებით, ვვარაუდობთ, რომ ოკეანეს დაახლოებით 75-90 მილი/სთ სიჩქარის ქარი უბერავდა,“- განაცხადა პიტსბურგის სამეთაურო ცენტრის სექტორის უფროსმა დანა გრედიმ.
სანაპირო დაცვის ცნობით, მამაკაცი სათევზაო გემის კაპიტანი იყო, რომელიც ორშაბათს ჯონის უღელტეხილიდან დაახლოებით 20 მილის მოშორებით განადგურდა.
ის გადაარჩინეს დაახლოებით 13:30 საათზე, სანაპიროდან დაახლოებით 30 მილის მოშორებით. მამაკაცი ტამპას გენერალურ საავადმყოფოში გადაიყვანეს. მის ჯანმრთელობას საფრთხე არ ემუქრება.
იხილეთ ასევე:
- აპოკალიფსური კადრები ფლორიდიდან - "მილტონს" 16 ადამიანი ემსხვერპლა, დასახლებები აღარ არსებობს, ნანგრევებში ალიგატორები არიან
- საუკუნის ერთ-ერთი ყველაზე დამანგრეველი ქარიშხალი ფლორიდას თავს დაატყდა - უმძიმესი ფოტოები სტიქიის ზონიდან: რა შედეგები მოიტანა "მილტონმა"