"მილტონმა" გაანადგურა 10,000 ადამიანის თავშესაფრად ქცეული სტადიონი, შენობას გიგანტური ამწე დაეცა... - კოლოსალური ზარალი და უმძიმესი ვითარება ფლორიდაში
მე-3 კატეგორიის ქარიშხალმა “მილტონმა“ აშშ-ის, ფლორიდას შტატი გაანადგურა. ბოლო ცნობებით, არიან გარდაცვლილები, 3 მილიონზე მეტ მცხოვრებს არ მიეწოდება ელექტროენერგია, შეწყვეტილია სასმელი წყალი.
ქარიშხალმა სხვადასხვა ლოკაციებზე ტორნადოები გამოიწვია. განადგურებულია ინფრასტრუქტურა. ზარალი კოლოსალურია.
- “ასეთი რამ ქვეყანას არ ახსოვს. სასიკვდილო ქარიშხალია,“ - აფასებენ მიმომხილველები ქვეყნის ისტორიის ერთ-ერთ ყველაზე გამანადგურებელ სტიქიას.
გარდაცვლილთა ზუსტი რაოდენობა ამ დროისთვის არ არის ცნობილი. თუმცა, ნელ-ნელა ზუსტდება ტრაგიკული დეტალები.
-
დასავლური მედიის ინფორმაციით, ქარიშხალმა გაანადგურა 10,000 კაციანი Tampa Bay Rays ბეისბოლის სტადიონის სახურავი, რომელიც იყო პირველი რეაგირებისთვის და დასუფთავების მუშაკების თავშესაფარი.
ცნობილია, რომ გუმბათოვანი მოყვანილობის სახურავი სტადიონს სპეციალურად, ქარიშხლებისგან თავის დასაცავად ჰქონდა. თუმცა, ამჯერად ამან არ გაამართლა.
ლოკაციაზე საწოლები და სხვადასხვა პირველადი დახმარების ნივთები იყო განთავსებული. თუმცა, გავრცელებულ ვიდეოში ჩანს, რომ სტიქიამ ადგილზე ყველაფერი გაანადგურა.
ამ დროისთვის უცნობია, დაღუპულთა შესახებ ცნობები.
მხოლოდ სენტ-ლუსიის ოლქში ჩამოინგრა ასობით სახლი. გარდაცვლილია "მრავალი ადამიანი".
ვრცელდება კადრები, სადაც ჩანს, რომ პიტსბურგში მდებარე მრავალსართულიან შენობას გიგანტური ამწე დაეცა. უცნობია დეტალები დაშავებულთა შესახებ.
ქარიშხალი ამჟამად ფლორიდის აღმოსავლეთ სანაპიროს უტევს. დაცლილია მიმდებარე ქალაქები და დასახლებები.
ტორნადო ანადგურებს ინფრასტრუქტურას ფლორიდის სამეზობლოშიც.
-
შეგახსენებთ, რომ მოსალოდნელი საფრთხის გამო, წინა დღეებში მილიონობით ადამიანს სახლის დატოვების ბრძანება მიეცა. “მილტონს“ უკვე უწოდეს "ყველაზე ძლიერი ქარიშხალი, რომელიც ამ რეგიონს ბოლო საუკუნეში დაატყდა თავს".
ეროვნული გვარდიის ათასობით წევრი ქარიშხლის შემდეგ სამძებრო-სამაშველო სამუშაოების ჩასატარებლად მზად არის. პრეზიდენტ ბაიდენის ადმინისტრაციამ წინასწარ განალაგა რესურსები და ასობით პერსონალი.
ბაიდენმა ფლორიდა კატასტროფის ზონად გამოაცხადა, რათა სტიქიაზე რეაგირება გაადვილდეს.
იხილეთ ასევე: