საჰარას ნაწილი დაიტბორა - ფოტოები დედამიწის ყველაზე მშრალი უდაბნოდან, სადაც იშვიათმა ნალექმა წარმოუდგენელი პეიზაჟები შექმნა
სამხრეთ-აღმოსავლეთ მაროკოს უდაბნო საჰარა, რომელიც ერთ-ერთი ყველაზე მშრალი ადგილია დედამიწაზე, იშვიათ ნალექს მასპინძლობს.
საჰარაში ბოლო 50 წლის განმავლობაში წვიმა არ მოსულა. თუმცა, ახლა იმდენად უჩვეულო რაოდენობის ნალექი მოვიდა, რომ დაიტბორა ცალკეული უბნებიც კი.
გამოჩნდა ლურჯი ლაგუნები და ტბა.
მაროკოს მთავრობამ განაცხადა, რომ სექტემბერში მოსულმა ორდღიანმა ნალექმა რამდენიმე რაიონში წლიურ საშუალო მაჩვენებელს გადააჭარბა.
სოფელ ტაგუნიტში, რომელიც დედაქალაქ რაბათიდან სამხრეთით დაახლოებით 280 მილში მდებარეობს, 24 საათის განმავლობაში, 100 მილიმეტრზე მეტი ნალექი დაფიქსირდა.
NASA-ს თანამგზავრებმა აჩვენეს, რომ წყალმა ირიკის ტბაც კი შეავსო, რომელიც უკანასკნელი 50 წლის განმავლობაში მშრალი იყო.
ტურისტები და მოსახლეობა აღფრთოვანებულები არიან სანახაობით.
ქვეყნის მეტეოროლოგიის სამსახურის გენერალურმა დირექტორის განცხადებით, ასეთმა წვიმებმა, რომელსაც ისინი ექსტრატროპიკულ შტორმს უწოდებენ, შესაძლოა მომდევნო თვეებში რეგიონის ამინდი მთლიანად შეცვალოს. რადგან ჰაერი ინარჩუნებს მეტ ტენიანობას, რაც იწვევს მეტ აორთქლებას და უფრო მეტ ნალექს.
აღსანიშნავია, რომ ზედიზედ ექვსწლიანმა გვალვამ მაროკოს დიდ ნაწილს პრობლემები შეუქმნა. ფერმერებმა დატოვეს მინდვრები, ქალაქები და სოფლები.
იხილეთ ასევე: