მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ეს სიკვდილ-სიცოცხლის საკითხია" - ბაიდენის გაფრთხილება ფლორიდელებს, სადაც დამანგრეველ ქარიშხალს ელოდებიან: რა არის ცნობილი "მილტონზე"?
12:58 / 09-10-2024
ქარიშხალი მილტონი ბოლო რამდენიმე საათის განმავლობაში გაძლიერდა და მას მეხუთე კატეგორიის ქარიშხლის კვალიფიკაცია მიეცა. მის ცენტრში მდგრადი ქარის სიჩქარე დაახლოებით 165 მილია საათში (270 კმ/სთ).
ქარიშხლის სიძლიერე ნაწილობრივ გამოწვეულია უჩვეულოდ თბილი ოკეანეებით, რომელთაც მან გადაუარა. წყლის ზედაპირის ტემპერატურა მსოფლიოს ამ ნაწილში ნორმას მნიშვნელოვნად აღემატება, რაც მეცნიერების თქმით, სავარაუდოდ, კლიმატის ცვლილების გამოა.
მილტონი შესაძლოა ფლორიდისკენ მიმავალ გზაზე ოდნავ შესუსტდეს. ამჟამინდელი პროგნოზებით, ის ნაპირზე მესამე კატეგორიის ქარიშხლის დონეზე გადავა. თუმცა მიუხედავად ამისა, ის მაინც უკიდურესად ძლიერი ქარიშხალი იქნება.
ქარების, წვიმისა და 15 ფუტამდე (4.5 მ) ქარიშხლის მოქცევის კომბინაცია, სავარაუდოდ, კატასტროფული იქნება.
მაიამის ნაციონალური ქარიშხლების ცენტრის (NHC) ახალ განცხადებაში ნათქვამია, რომ "მილტონი სამშაბათს ოდნავ სამხრეთ-აღმოსავლეთისკენ გადაიხარა", რამაც სინოპტიკოსებს აიძულა, მოსალოდნელი ტრაექტორია შეეცვალათ.
"მილტონს აქვს პოტენციალი, გახდეს ერთ-ერთი ყველაზე დამანგრეველი ქარიშხალი ფლორიდის დასავლეთ-ცენტრალური ნაწილისთვის", - განაცხადა NHC-მ.
NHC-მ დაამატა, რომ ყველაზე ზუსტ პროგნოზებსაც კი შეიძლება, დაახლოებით 60 მილის (100 კმ) ცდომილება ჰქონდეს.
რა არის ის რამდენიმე საკვანძო ინფორმაცია, რაც ქარიშხალი მილტონის შესახებ ვრცელდება?
- მილტონი ბოლო 48 საათის განმავლობაში სიმძაფრის სხვადასხვა დონეს გადიოდა, მაგრამ ცოტა ხნის წინ კვლავ დაუბრუნდა მეხუთე კატეგორიას;
- მრავალ ოლქში სკოლები დაიხურა, ბიზნესები შეჩერდა და ევაკუაციის ბრძანებები ძალაში შევიდა - მათ შორის, Disney World-მა გამოაცხადა, რომ ფლორიდაში ხვალ თავის თემატურ პარკებს დახურავს;
- სინოპტიკოსებმა განაცხადეს, რომ ხალხი ქარიშხლის ტრაექტორიის ცვლილებას უნდა ელოდოს, მაგრამ მას მაინც "აქვს პოტენციალი, გახდეს ერთ-ერთი ყველაზე დამანგრეველი ქარიშხალი ფლორიდის დასავლეთ-ცენტრალური ნაწილისთვის", როდესაც ის ოთხშაბათს საღამოს ხმელეთზე გადმოვა;
- მილტონის ეფექტები უკვე იგრძნობა მექსიკაში, რადგან ქარიშხალმა იუკატანის ნახევარკუნძულის ჩრდილოეთ ნაწილს ჩაუარა, სადაც წყალდიდობა და ძლიერი ქარები გამოიწვია, რომლებმაც ელექტროგადამცემი ხაზები და ხეები წააქცია;
- ფლორიდაში შემომავალი და გამავალი ასობით რეისი გაუქმდა, მათ შორის 346 რეისი ტამპაში სამშაბათს, ოთხშაბათს კი - 378 ფრენა; ორლანდოში სულ 781 რეისი გაუქმდა;
მილიონობით ადამიანს სახლის დატოვების ბრძანება მიეცა, რადგან არსებული ცნობებით, მოსალოდნელია, რომ ეს "ყველაზე ძლიერი ქარიშხალი იქნება, რომელიც ამ რეგიონს ბოლო საუკუნეში დაატყდა თავს".
ვითარებას გუშინ საღამოს აშშ-ს პრეზიდენტი, ჯო ბაიდენი გამოეხმაურა. მან საზოგადოება გააფრთხილა, რომ ტერიტორიის დატოვება "სიკვდილ-სიცოცხლის საკითხია".
"განახორციელეთ ევაკუაცია ახლავე, ახლავე, ახლავე," - ასე მიმართა მან ფლორიდის მცხოვრებლებს.
ქარიშხალმა გამოიწვია შტატის უდიდესი საევაკუაციო ძალისხმევა წლების განმავლობაში, გუბერნატორ რონ დესანტისის გაფრთხილებით კი, "მონსტრი" მოდის".
მილტონი ორ კვირაზე ნაკლებ დროში მოჰყვა ქარიშხალ ჰელენს. ჰელენი ყველაზე სასიკვდილო კონტინენტური ქარიშხალი იყო 2005 წლის კატრინას შემდეგ და მან აშშ-ს სამხრეთ-აღმოსავლეთი ნაწილი გაანადგურა, გამოიწვია სულ მცირე 225 ადამიანის დაღუპვა, ხოლო ასობით ადამიანი დაკარგულია.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
