მნიშვნელოვანი ინფორმაცია
30
ივნისიდღის ზოგადი ასტროლოგიური პროგნოზი
ორშაბათი, მთვარის მეექვსე დღე დაიწყება 10:53-ზე, მთვარე ქალწულშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. ნუ დალევთ ლუდს, ბევრ წყალს, რძეს. მოაგვარეთ მატერიალური და ფულადი საკითხები. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. არ არის რეკომენდებული ფულის გასესხება ან ვალის აღება. არ გადაიღალოთ, არ დარჩეთ სამსახურში გვიანობამდე. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"არ შეიძლება მხარს უჭერდეთ ევროპული ცხოვრების წესს და ამავდროულად ადიდებდეთ სტალინს" - მიმართვა ევროპარლამენტიდან საქართველოს ხელისუფლებას: რა ითქვა დებატებისას?
19:54 / 08-10-2024
"ევროპარლამენტი ძალიან მკაფიო შეტყობინებას უგზავნის ბიძინა ივანიშვილსა და მის კოლაბორანტებს „ქართული ოცნებიდან“: ევროკავშირში გაწევრიანება შეუთავსებელია მათ პოლიტიკასთან. არ შეიძლება იყოთ პროევროპელები და ამავდროულად პროკრემლისტები, არ შეიძლება მხარს უჭერდეთ ევროპული ცხოვრების წესს და ამავდროულად ადიდებდეთ სტალინს", - ამის შესახებ ევროპარლამენტარმა რასა იუკნევიჩიენემ ევროპარლამენტში, საქართველოს საკითხზე მიმდინარე დებატებისას განაცხადა.
- მან მადლობა გადაუხადა ევროპარლამენტის სხვა ჯგუფებს, რომლებთან ერთადაც დღეს საქართველოს შესახებ რეზოლუცია შეათანხმეს.
"ევროპარლამენტი ძალიან მკაფიო შეტყობინებას უგზავნის ბიძინა ივანიშვილსა და მის თანამშრომლებს „ქართული ოცნებიდან“ : ევროკავშირში გაწევრიანება შეუთავსებელია მათ პოლიტიკასთან. არ შეიძლება იყოთ პროევროპელები და ამავდროულად პროკრემლისტები, არ შეიძლება მხარს უჭერდეთ ევროპული ცხოვრების წესს და ამავდროულად ადიდებდეთ სტალინს. ევროპარლამენტი ყურადღებით დააკვირდება მოახლოებულ არჩევნებს. ჩვენ კიდევ ერთხელ ვიმეორებთ, რომ არჩევნები სრულად უნდა აკმაყოფილებდეს საერთაშორისო სტანდარტებს. თუ „ქართული ოცნება“ გააგრძელებს ლუკაშენკოს გზით სვლას, ევროკავშირი იძულებული იქნება რეაგირება მოახდინოს და ხელახლა შეაფასოს საქართველოს მიერ პირობების შესრულება, ვიზალიბერალიზაციის კრიტერიუმების ჩათვლით“, - აღნიშნა ევროპარლამენტარმა.
მისი თქმით, ევროპარლამენტარები ასევე მოითხოვენ მიხეილ სააკაშვილის დაუყოვნებლივ და უპირობო გათავისუფლებას.
"ჩვენ ასევე მოვითხოვთ ყოფილი პრეზიდენტის, მიხეილ სააკაშვილის დაუყოვნებლივ და უპირობო გათავისუფლებას. საქართველოს მთავრობა ანგარიშვალდებული უნდა იყოს სააკაშვილის სიცოცხლესა და ჯანმრთელობისთვის მიყენებულ ნებისმიერ ზიანზე. ახლა, საქართველოს მომავლის შესახებ გადაწყვეტილების მიღება ქართველი ხალხის ხელშია. ძვირფასო ქართველებო, არავინ შეიძლება იყოს მეტად პასუხისმგებელი საქართველოს მომავალზე, ვიდრე თქვენ. იმედი გვაქვს, ქართველი ხალხი დაუბრუნდება ევროპული ოჯახისკენ მიმავალ გზას“, - აღნიშნა რასა იუკნევიჩიენემ.
- საქართველოს შესახებ განცხადება გააკეთა ევროკომისიის ვიცე პრეზიდენტმაც. ვერა იუროვას თქმით, 26 ოქტომბრის საპარლამენტო არჩევნები საქართველოს ევროკავშირისკენ გზისთვის გადამწყვეტია.
“26 ოქტომბერს 3 მილიონზე მეტი ქართველი ახალი პარლამენტის ასარჩევად მისცემს ხმას. ეს საპარლამენტო არჩევნები საქართველოს ევროკავშირისკენ გზისთვის გადამწყვეტია. ის ასევე, კრიტიკულად მნიშვნელოვანი ტესტი იქნება საქართველოს დემოკრატიისთვის.
გასულ დეკემბერს, როდესაც საქართველოს ევროკავშირის კანდიდატი ქვეყნის სტატუსი მიენიჭა, ჩვენ იმედი გვქონდა, რომ ეს ძლიერი სტიმული იქნებოდა მთავრობისთვის მნიშვნელოვანი რეფორმების გასატარებლად, ევროკავშირთან გაწევრიანების შესახებ მოლაპარაკებების გასახსნელად. ამის ნაცვლად, ბოლო თვეებში მმართველი ოფიციალური პირები გამოვიდნენ კანონების წინადადებებით, რომლებმაც ქვეყანა ამ მიზანს დააშორეს. მიუხედავად მასობრივი პროტესტებისა, “უცხოური გამჭვირვალობის შესახებ” კანონი, რომელიც ხელს უშლის სამოქალაქო საზოგადოებასა და მედია ორგანიზაციებს, ხელახლა იქნა წარდგენილი და მიღებული.
სხვა წინადადებები, რომლებიც LGBTQI საზოგადოების სტიგმატიზებას ახდენს და სახელმწიფო ინსტიტუტების დამოუკიდებლობას ასუსტებს, ასევე წინ იქნა წაწეული. ამავდროულად, ევროკავშირის საწინააღმდეგო რიტორიკა უფრო ხმამაღალი გახდა”, - განაცხადა იუროვამ.
ევროპარლამენტარმა სვენ მიქსერმა ევროპარლამენტში, საქართველოს საკითხზე მიმდინარე დებატებისას განაცხადა, რომ მასზე ყოველთვის შთაბეჭდილებას ახდენდა ხალხის ერთგულება ევროატლანტიკური და ევროპული მისწრაფებების მიმართ, თუმცა საქართველოს მთავრობის მოქმედება ამ მისწრაფებებთან წინააღმდეგობაშია.
„საქართველოსთან ერთად მრავალი წელია მუშაობ და მჯერა, რომ შემიძლია ჩემს თავს საქართველოს მეგობარი ვუწოდო. ერთი რამ, რაც ჩემზე ყოველთვის შთაბეჭდილებას ახდენს მთელი ამ წლების განმავლობაში, არის ქართველი ხალხის ერთგულება ევროატლანტიკური და ევროპული მისწრაფებების მიმართ. სამწუხაროდ, ახლა ჩვენ ვხედავთ, რომ მთავრობისა და სამთავრობო პარტიის ქცევა ძალიან ძლიერ კონტრასტშია ამ იდეებისა და მისწრაფებებისადმი ხალხის ერთგულებასთან“, - აღნიშნა ევროპარლამენტარმა.
ამ კონტექსტში მან საქართველოში ბოლო დროს მიღებულ კანონებზე ისაუბრა.
„კანონების მიღება, რომელიც ძლიერ აფერხებს ან ზღუდავს არასამთავრობო ორგანიზაციებისა და სამოქალაქო საზოგადოების მუშაობას, რომლებიც ავიწროებენ უმცირესობებს, მათ შორის ლგბტიქ თემს, ეს არის ნაბიჯები, რომლებიც სრულიად ეწინააღმდეგება საქართველოს გაცხადებულ ევროპულ მისწრაფებას. ევროპული ინსტიტუტები, ევროკავშირის წევრები საქართველოს ძლიერი მხარდამჭერები არიან, მიანიჭეს რა მას კანდიდატის სტატუსი გარკვეული პირობებით, მაგრამ ეს არ არის შეუქცევადი გზა. სამწუხაროდ, როგორც ჩანს, საქართველოს ხელისუფლება ამ მისწრაფებების საწინააღმდეგოდ მუშაობს”, - აღნიშნა ევროპარლამენტარმა.
- ევროპარლამენტარ პეტრას აუსტრევიჩუსის თქმით, საქართველოს ყოფილი პრეზიდენტი, მიხეილ სააკაშვილი სასწრაფოდ და უპირობოდ უნდა გათავისუფლდეს.
„ვიმეორებ საერთო მოწოდებას პრეზიდენტ სააკაშვილის სასწრაფო და უპირობო გათავისუფლებასთან დაკავშირებით“, - აღნიშნა ევროპარლამენტარმა.
- ევროპარლამენტარმა, მაიკლ გალერმა განაცხადა, რომ ქართველები თავად გადაწყვეტენ თუ რომელი გზის გაგრძელება სურთ.
“ამ ეტაპზე არ ველი ვერდიქტს მომავალი არჩევნების ხარისხის შესახებ, ამისთვის ეუთოს გრძელვადიანი მისია გვაქვს, რომლებიც საკუთარ პროფესიულ სამუშაოს აკეთებენ. მე უბრალოდ ველი, რომ შესაბამისი ოფიციალური პირები არჩევნებისთვის არსებულ კანონებს გაატარებენ შესაბამისი სამართლიანი, პროფესიონალური ფორმით.
ქართველები ნამდვილად თავად გადაწყვეტენ თუ რომელი გზის გაგრძელება სურთ. და ამ მომენტისთვის ჩემი შთაბეჭდილებაა, რომ მათ მხარი დაუჭირეს ევროკავშირისკენ ამ გზას, ვინაიდან, ეს არის პერსპექტივა, რომელსაც რაღაც გააჩნია ყველა მოქალაქისთვის ყველა ქვეყანაში. ერთი ქვეყანაც არ არის, რომელიც ახლა უარესადაა, ვიდრე ევროკავშირში შესვლამდე იყო.
ჩვენ, როგორც ევროპელები, ვიღებთ გზას და გადაწყვეტილებას, რომელსაც თავისუფალი ხალხი ირჩევს თავისი მომავლისთვის. ეს არის რუსეთთან სხვაობა, რომელიც ამას არ ეგუება. ამ მომენტისთვის, მე დარწმუნებული ვარ, რომ ამ პროცესის მეშვეობით, რომელიც ახლა მიმდინარეობს, ხალხი ძალიან ნათელ გადაწყვეტილებას მიიღებს და ეტყვის მსოფლიოს და ყველა მსმენელს, საქართველოს რომელი გზაა საუკეთესო ამ არჩევნებისთვის”, - განაცხადა გალერმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გამარჯვება პირველივე წუთებზე - ილია თოფურიამ ოლივიერა ნოკაუტში ჩააგდო და ჩემპიონი გახდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
