რუსებმა ხარკოვი დაბომბეს, დაშავდა 16 ადამიანი
რუსებმა ხარკოვი დაბომბეს, დაშავდა 16 ადამიანი. ინფორმაციას უკრაინული მედია ავრცელებს.
ხარკოვის საოლქო-სამხედრო ადმინისტრაციის ხელმძღვანელმა, ოლეგ სინეგუბოვმა განაცხადა, რომ რუსული ძალების იერიშის შედეგად საცხოვრებელი კორპუსები დაზიანდა.
სინეგუბოვის ცნობით, დაშავებულთაგან 7 საავადმყოფოში გადაიყვანეს, ხოლო დანარჩენებს ექიმებმა სამედიცინო დახმარება ადგილზე აღმოუჩინეს.
ხარკოვზე თავდასხმისთვის გამოყენებული იარაღის ტიპი ზუსტდება, წინასწარი მონაცემებით, ეს იყო რეგულირებადი საჰაერო ბომბები.